HSBC: ଏଆଇ ପ୍ରଭାବ: ଏଚ୍‌ଏସ୍‌ବିସି ୨୦ହଜାର ଛଟେଇ କରିବ

୨୦୨୪ରେ ଦାୟିତ୍ବ ଗ୍ରହଣ କରିବା ପରଠାରୁ ସେ ବ୍ୟାଙ୍କରେ ଅନେକ ପରିବର୍ତ୍ତନ ଆଣିବା ସହ କର୍ମଚାରୀ ଛଟେଇ କରିଛନ୍ତି ଓ କିଛି ବ୍ୟବସାୟକୁ ବିକ୍ରି, ବନ୍ଦ ଓ ମିଶ୍ରଣ କରାଇଛନ୍ତି।ଏଆଇ ବ୍ୟବହାର କରି ଉଭୟ ଖର୍ଚ୍ଚ କମ୍‌ କରିବା ଓ କର୍ମଚାରୀଙ୍କ ଉତ୍ପାଦକତା ବଢ଼ାଇବା ଉପରେ ବିଚାର କରାଯାଉଛି ବୋଲି କଛି ଦିନ ତଳେ ବ୍ୟାଙ୍କର ମୁଖ୍ୟ ବିତ୍ତ ଅଧିକାରୀ ପାମ୍‌ କୌର କହିଥିଲେ। କାର୍ଯ୍ୟକୁ ଅଧିକ ପାରଦର୍ଶୀ କରିବା ପାଇଁ ଗ୍ରାହକ ସେବା କେନ୍ଦ୍ର, ଗ୍ରାହକଙ୍କୁ ଜାଣିବା ଟିମ୍‌ ଓ କାରବାର ଉପରେ ନଜର ରଖୁଥିବା ବିଭାଗରେ ଏଆଇ ବ୍ୟବହାର କରିବା ବିଷୟରେ ଏଚ୍‌ଏସ୍‌ବିସି ଗମ୍ଭୀରତାର ସହ ବିଚାର କରୁଛି।

ଏଚ୍‌ଏସ୍‌ବିସି ଗମ୍ଭୀରତାର ସହ ବିଚାର କରୁଛି

ବ୍ୟାଙ୍କର ଅନ୍ତର୍ଜାତୀୟ ସେବା କେନ୍ଦ୍ରଗୁଡ଼ିକରେ ବ୍ୟାକ୍‌ ଅଫିସ୍‌ରେ କାମ କରୁଥିବା କର୍ମଚାରୀମାନେ ଆଗାମୀ ଛଟେଇ ପଦକ୍ଷେପ ଦ୍ବାରା ପ୍ରଭାବିତ ହେବା ଆଶଙ୍କା କରାଯାଉଛି। ବର୍ତ୍ତମାନ ଏହା କେବଳ ଆକଳନ ପର୍ଯ୍ୟାୟରେ ରହିଛି। ଚୂଡ଼ାନ୍ତ ନିଷ୍ପତ୍ତି ଅନେକ ବିଷୟ ଉପରେ ନିର୍ଭର କରିବ। ଏଚ୍‌ଏସ୍‌ବିସିରେ ବର୍ତ୍ତମାନ ସାରା ବିଶ୍ବରେ ୨,୧୦,୦୦୦ରୁ ଅଧିକ କର୍ମଚାରୀ କାମ କରୁଛନ୍ତି।

ସୌଜନ୍ୟ ସମ୍ବାଦ