ଶପଥ ନେଲେ ପ୍ରିୟଙ୍କା: ସଂସଦ ଦେଖିଲା ଗାନ୍ଧୀ ପରିବାରର ୩ୟ ମହିଳା ସାଂସଦ
ୱାୟାନାଡ: କେରଳର ୱାୟାନାଡରୁ ବିଜୟୀ ହୋଇଥିବା କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା ଆଜି ପ୍ରଥମ ଥର ପାଇଁ ସାଂସଦ ଭାବେ ଶପଥ ଗ୍ରହଣ କରିଛନ୍ତି। ସେ ରାଜ୍ୟସଭାରେ ରାବେରେଲି ସାଂସଦ ତଥା ତାଙ୍କ ଭାଇ ରାହୁଲ ଗାନ୍ଧୀ ଏବଂ ରାଜ୍ୟସଭା ସାଂସଦ ମାଆ ସୋନିଆ ଗାନ୍ଧୀଙ୍କ ସହ ସଂସଦରେ ଯୋଗଦେବେ।
୫୨ ବର୍ଷୀୟା ପ୍ରିୟଙ୍କା ଗାନ୍ଧୀ ଭଦ୍ରାଙ୍କର ଲୋକସଭାରେ ପ୍ରବେଶ ସହିତ ସଂସଦ ଦଶନ୍ଧି ମଧ୍ୟରେ ପ୍ରଥମ ଥର ପାଇଁ ଗାନ୍ଧୀ ପରିବାରର ତିନିଜଣ ସଦସ୍ୟଙ୍କୁ ଏକାଠି ଦେଖିବ। ପ୍ରିୟଙ୍କା ଗାନ୍ଧୀ ଭଦ୍ରା ଏବଂ ରାହୁଲ ଗାନ୍ଧୀ ଲୋକସଭାରେ ବସିଥିବା ବେଳେ ସେମାନଙ୍କ ମା ସୋନିଆ ଗାନ୍ଧୀ ରାଜ୍ୟସଭାରେ ନଜର ଆସିବେ।
ସାଂସଦ ଭାବେ ଶପଥ ଗ୍ରହଣ କରିବାରେ ସୋନିଆ ଗାନ୍ଧୀ ଏବଂ ତାଙ୍କ ଜେଜେମା ତଥା ପୂର୍ବତନ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ପରେ ପରେ ପ୍ରିୟଙ୍କା ଗାନ୍ଧୀ ଭଦ୍ରା ହେବେ ଗାନ୍ଧୀ ପରିବାରର ତୃତୀୟ ମହିଳା।
ଉଭୟ ୱାୟାନାଡ ଏବଂ ରାବେରେଲିରୁ ଜିତିଥିବା ରାହୁଲ ଗାନ୍ଧୀ ତାଙ୍କ ପରିବାରର ଭିତ୍ତିଭୂମି ବଜାୟ ରଖିବାକୁ ନିଷ୍ପତ୍ତି ନେଇ ୱାୟାନାଡରୁ ଭଉଣୀ ପ୍ରିୟଙ୍କାଙ୍କୁ ନିର୍ବାଚନ ଲଢ଼ିବାକୁ ନିଷ୍ପତ୍ତି ନେଇଥିଲେ। ପ୍ରିୟଙ୍କା ନିର୍ବାଚନ ଲଢ଼ି ରାହୁଲଙ୍କଠାରୁ ବି ଅଧିକ ଭୋଟ୍ରେ ବିଜୟୀ ହୋଇଛନ୍ତି।
ତାଙ୍କ ବିଜୟ ପରେ ପ୍ରିୟଙ୍କା ଗାନ୍ଧୀ ଭଦ୍ରା କହିଛନ୍ତି ଯେ ସେ ସଂସଦରେ ଲୋକଙ୍କ ସ୍ୱର ହେବାକୁ ଅପେକ୍ଷା କରିଛନ୍ତି। “ତୁମେ ମୋ ଉପରେ ରଖିଥିବା ବିଶ୍ୱାସ ପାଇଁ ମୁଁ କୃତଜ୍ଞତା ଜ୍ଞାପନ କରିଛି। ମୁଁ ନିଶ୍ଚିତ କରୁଛି ଯେ ଏ ବିଜୟ ତୁମମାନଙ୍କର।’’ ବୋଲି ପ୍ରିୟଙ୍କା କହିଛନ୍ତି।
ସୌଜନ୍ୟ-ସମ୍ୱାଦ
