India vs Pakistan Final: ଘୂରିବ ବଲ୍, ସ୍ପିନର କରିବେ ରାଜ… ପାକିସ୍ତାନକୁ ମାତ୍ ଦେବାକୁ ଭାରତ ପ୍ରସ୍ତୁତ, କିଏ ଜିତିବ ମହାମୁକାବିଲା ?
ନୂଆଦିଲ୍ଲୀ,୦୩/୧୦; ଆଉ କିଛି ଘଣ୍ଟାର ଅପେକ୍ଷା । କ୍ରିକେଟପ୍ରେମୀଙ୍କ ପାଇଁ ସୁପର ସ୍ପେସାଲ ହେବ ଶନିବାର । ଏସିଆଡ୍ ଗେମ୍ସ ପୁରୁଷ କ୍ରିକେଟରେ ଆଜି ମହାମୁକାବିଲା । ଜାପାନରେ ଚାଲିଥିବା ୨୦ତମ ଏସିଆନ ଗେମ୍ସରେ ସ୍ୱର୍ଣ୍ଣ ପଦକ ଲଢେଇରେ ମୁହାଁମୁହିଁ ହେବେ ଦୁଇ ପାରମ୍ପରିକ ପ୍ରତିନ୍ଦ୍ୱନ୍ଦୀ ଡିଫେଣ୍ଡିଂ ଭାରତ-ପାକିସ୍ତାନ । କିଏ ଜିତିବ ଗୋଲ୍ଡ ମୁକାବିଲା ? କିପରି ରହିବ ପିଚ୍ ? ମହିଳା ଟିମ୍ ପରେ ସ୍ୱର୍ଣ୍ଣ ପଦକ ବାଜି ଜିତିବେ ତ ପୁରୁଷ ଟିମ୍ ? ପାକିସ୍ତାନକୁ ମାତ୍ ଦେବାକୁ ପ୍ରସ୍ତୁତ ଟିମ୍ ଆୟର । ସକାଳ ୯ଟା ୩୦ରେ ପଡ଼ିବ ଟସ୍ ।
ଭାରତ ପ୍ରଥମ ଟି-୨୦ ତାରକାଙ୍କ ସହ ମୈଦାନକୁ ଓହ୍ଲାଇବ । ପାକିସ୍ତାନ ଯୁବ ଖେଳାଳିଙ୍କୁ ନେଇ ଲଢେଇ କରିବ । ଦୁଇ ଦଳ ମଧ୍ୟରେ ଏକ ବଡ଼ ପାର୍ଥକ୍ୟ ଅଛି, କିନ୍ତୁ ନିସିନର କୋରୋଗି ପାର୍କରେ ପିଚ୍ ଏହି ମ୍ୟାଚ୍ରେ କାହାଣୀ ବଦଳାଇ ଦେଇପାରେ । ଲଗାତାର ବର୍ଷା ଏବଂ ତା’ପରେ ପ୍ରବଳ ସୂର୍ଯ୍ୟ ପିଚ୍ ଉପରେ ଆର୍ଦ୍ରତା ବଜାୟ ରଖିଛି | ବଲ୍ ରେ ଅସମାନ ବାଉନ୍ସ ସହିତ ଘୂରି ପାରେ । ଏଭଳି ପରିସ୍ଥିତିରେ ଭାରତର ଅକ୍ଷର ପଟେଲ, ୱାସିଂଟନ ସୁନ୍ଦର ଏବଂ ରବି ବିଷ୍ଣୋଇଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେବ । ଯଶପ୍ରୀତ ବୁମରାଙ୍କ ପାଇଁ ଏତେଟା ଗୁରୁତ୍ୱପୂର୍ଣ୍ଣ ନୁହେଁ । କାରଣ ତାଙ୍କର ଯେକୌଣସି ପୃଷ୍ଠରେ ପ୍ରଭାବ ପକାଇବାର କ୍ଷମତା ଅଛି । ଯଦି ବଲ୍ ଅଧିକ ଟର୍ଣ୍ଣ ହୁଏ ତେବେ ଅଭିଷେକ ଶର୍ମା ବଲ୍ ସହିତ ଉପଯୋଗୀ ହୋଇରପାରନ୍ତି । ଅବରାର ଅହମ୍ମଦ ଏବଂ ସୁଫିୟାନ୍ ମୁକିମଙ୍କ ପରି ସ୍ପିନରଙ୍କଠାରୁ ପାକିସ୍ତାନର ଆଶା ରହିବ। ସାମ ଆୟୁବ ଏବଂ ଆରାଫତ ମିନହାସ ମଧ୍ୟ ବଲ୍ ସ୍ପିନ୍ କରିବାରେ ସକ୍ଷମ ଅଟନ୍ତି । ଏଭଳି ପରିସ୍ଥିତିରେ ଉଭୟ ଦଳର ସ୍ପିନରମାନେ ୧୬ ଓଭରର ମ୍ୟାଚ୍ ର ଦିଗ ସ୍ଥିର କରିପାରିବେ ।
ଉଭୟ ଦଳ ପ୍ରଥମ ଥର ଏସିଆଡ୍ରେ ପରସ୍ପରକୁ ଭେଟିବାକୁ ଯାଉଛନ୍ତି । ଟି-ଟ୍ୱେଣ୍ଟି ଫର୍ମାଟରେ ଖେଳାଯିବାକୁ ଥିବା ଏହି ମ୍ୟାଚ୍କୁ ନେଇ ଉଭୟ ଦେଶର ପ୍ରଶଂସକ ବେଶ ଉତ୍ସାହିତ ହୋଇ ପଡ଼ିଛନ୍ତି । ସକାଳ ୧୦ଟା ରୁ ଏହି ହାଇ ଭୋଲ୍ଟେଜ ମୁକାବିଲା ଆରମ୍ଭ ହେବ । ସେହିପରି ବ୍ରୋଞ୍ଜ ପଦକ ଲଢ଼େଇରେ ଶ୍ରୀଲଙ୍କା ଓ ବାଂଲାଦେଶ ସାମ୍ନାସାମ୍ନି ହେବେ । ସକାଳ ୫.୩୦ରୁ ମ୍ୟାଚ୍ ଆରମ୍ଭ ହୋଇଛି । ରେକର୍ଡ ଓ ପ୍ରଦର୍ଶନକୁ ଦେଖିଲେ ଭାରତର ପଲା ଭାରି ରହିବା ସ୍ୱାଭାବିକ । ଟି-ଟ୍ୱେଣ୍ଟି ଫର୍ମାଟରେ ଉଭୟ ଦଳ ୧୭ଥର ସାମ୍ନାସାମ୍ନି ହୋଇଛନ୍ତି । ଏଥିରେ ଭାରତ ୧୪ଟି ମ୍ୟାଚ୍ ଜିତିଥିବାବେଳେ ପାକିସ୍ତାନ ୩ଟିରେ ବିଜୟ ହାସଲ କରିଛି । ଉଭୟ ଦଳ ମଧ୍ୟରେ ଖେଳାଯାଇଥିବା ଶେଷ ୬ଟି ଯାକ ମ୍ୟାଚ୍ରେ ଭାରତ ଅପରାଜେୟ ରହିଛି । ସେମି ଫାଇନାଲ୍ରେ ଭାରତ ୧୨୪ରନ୍ରେ ଶ୍ରୀଲଙ୍କାକୁ ଏବଂ ପାକିସ୍ତାନ ୬ ୱିକେଟ୍ରେ ବାଂଲାଦେଶକୁ ପରାସ୍ତ କରିଥିଲା ।
ସୌଜନ୍ୟ ପ୍ରମେୟ
