Pakistan Vs Afghanistan: ପୁଣି ଚରମ ସୀମାରେ ଉତ୍ତେଜନା: ଆଫଗାନିସ୍ତାନ ଉପରେ ପାକିସ୍ତାନର ଜୋରଦାର ଆକ୍ରମଣ, ଅନେକ ମୃତାହତ

ଇରାନ-ଇସ୍ରାଏଲ ବିବାଦ ଯୋଗୁଁ ସାରା ବିଶ୍ବରେ ତୈଳ ସଙ୍କଟ ଦେଖାଯାଇଥିବାବେଳେ ପାକିସ୍ତାନ ଏହି ଆକ୍ରମଣ କରିଛି। ଆଫଗାନିସ୍ତାନର ତାଲିବାନ ଅଧିକାରୀ କହିଛନ୍ତି ଯେ, ପାକିସ୍ତାନ ଆବାସିକ ଅଞ୍ଚଳକୁ ଟାର୍ଗେଟ କରୁଛି। ଏଥିରେ ଘର ନଷ୍ଟ ହେବା ସହିତ ମହିଳା ଓ ଶିଶୁଙ୍କ ସମେତ ଅନେକଙ୍କର ମୃତ୍ୟୁ ହୋଇଛି। ପାକିସ୍ତାନ କେତେକ ନିର୍ଜନ ଅଞ୍ଚଳରେ ମଧ୍ୟ ଆକ୍ରମଣ କରିଛି। ତାଲିବାନ ସରକାର ଏହାକୁ ଅତି କ୍ରୁର ଆକ୍ରମଣ ବୋଲି କହିଛି। ରମଜାନ ମାସର ଶେଷ ଦିନ ଓ ଇଦ୍‌ ପାଇଁ ପ୍ରସ୍ତୁତି ଚାଲିଥିବାବେଳେ ପାକିସ୍ତାନର ଏହି ଆକ୍ରମଣ ସେମାନଙ୍କ ସରକାର କୌଣସି ମାନବୀୟ ସିଦ୍ଧାନ୍ତ ଓ ନୈତିକ ମୂଲ୍ୟବୋଧକୁ ବୁଝନ୍ତି ନାହିଁ ବୋଲି ଦର୍ଶାଉଛି। ଆଫଗାନିସ୍ତାନ ଏହି ଘୃଣ୍ୟ ଓ ଆକ୍ରମଣକୁ କଠୋର ଶବ୍ବ‌ରେ ନିନ୍ଦା କରିଛି। ଆଫଗାନିସ୍ତାନ ଏହାର କଡ଼ା ଜବାବ ଦେବ ବୋଲି ଆଫଗାନିସ୍ତାନ ପ୍ରବକ୍ତା କହିଛନ୍ତି। ଦୁଇ ପକ୍ଷ ମଧ୍ୟରେ ଗତ କିଛି ଦିନ ହେଲା ସଂଘର୍ଷ ଜାରି ରହିଛି।

ସୌଜନ୍ୟ ସମ୍ବାଦ