RBI Loan Recovery Rules : ଋଣ ଅସୁଲ ନିୟମରେ ପରିବର୍ତ୍ତନ,ବିନା ନୋଟିସରେ ଆସିପାରିବେନି ଏଜେଣ୍ଟ
ନୂଆଦିଲ୍ଲୀ,୧୨ \୮: ଋଣ ନେଉଥିବା ଗ୍ରାହକଙ୍କ ପାଇଁ ଖୁସି ଖବର । ଲୋନ୍ ରିକଭରି ନିୟମରେ ପରିବର୍ତ୍ତନ ଆଣିଛି ଆରବିଆଇ । ଋଣ ନେଇଥିବା ଗ୍ରାହକଙ୍କ ଲାଗି ଅସୁଲି ନିୟମରେ ପରିବର୍ତ୍ତନ କରିଛି ରିଜର୍ଭ ବ୍ୟାଙ୍କ । ୨୦୨୭ ଜାନୁଆରୀ ପହିଲାରୁ ଏହା ଲାଗୁ ହେବ । ଋଣ ଅସୁଲ ସମୟରେ ଗ୍ରାହକଙ୍କୁ କରାଯାଇଥିବା ପ୍ରତାଡ଼ନା ଏବଂ ସମସ୍ୟାକୁ ଧ୍ୟାନରେ ରଖି ଏଭଳି ପଦକ୍ଷେପ ଗ୍ରହଣ କରା ଯାଇଛି । ବ୍ୟାଙ୍କ ଏବଂ ରିକଭରି ଏଜେଣ୍ଟମାନେ କିଭଳି ଋଣ ଗ୍ରହିତାଙ୍କ ସହ ବ୍ୟବହାର କରିବେ ସେ ନେଇ ଏଥିରେ ଧ୍ୟାନ ରଖା ଯାଇଛି ।
ସୂଚନା ମୁତାବକ, ଏହାଦ୍ୱାରା ଋଣ ରିକଭରି ଏଜେଣ୍ଟମାନେ ଗ୍ରାହକଙ୍କ ନିକଟକୁ ଆସିବା ପୂର୍ବରୁ ନିଶ୍ଚିତ ପକ୍ଷେ ନୋଟିସ ଦେବେ । ସେହିଭଳି ଯେକୌଣସି ସମୟରେ କଲ୍ କରି ପାରିବେନି । ସକାଳ ୮ରୁ ସଂଧ୍ୟା ୭ଟା ମଧ୍ୟରେ ହିଁ ଗ୍ରାହକଙ୍କୁ କଲ୍ କରିବା ନିୟମ ରହିଛି । ଏହି ସମୟ ପରେ କଲ୍ କଲେ ଗ୍ରାହକଙ୍କ ସମ୍ମତି ଲୋଡ଼ା ପଡିବ । ଏଜେଣ୍ଟମାନେ ସମ୍ବେଦନଶୀଳ ରହିବାକୁ ନିର୍ଦ୍ଦେଶ ରହିଛି । ଗ୍ରାହକଙ୍କୁ ଗାଳିଗୁଲଜ, ଡରାଇବା, ଧମକାଇବା ଭଳି କାର୍ଯ୍ୟରୁ ନିବୃତ ରହିବେ ଏଜେଣ୍ଟ ।
ସୌଜନ୍ୟ ପ୍ରମେୟ
