ଏହି ଅବସରରେ ଟିପିସିଓଡିଏଲ୍ ର ସିଇଓ ଶ୍ରୀ ଅରଭିନ୍ଦ ସିଂ କହିଛନ୍ତି ଯେ, ନାଗରିକମାନଙ୍କ ସଚେତନତା ଓ ଦାୟିତ୍ୱପୂର୍ଣ୍ଣ ନିଷ୍ପତ୍ତିରୁ ହିଁ ସ୍ୱଚ୍ଛ ଶକ୍ତିର ଯାତ୍ରା ଆରମ୍ଭ ହୋଇଥାଏ। ଆମର ଗ୍ରୀନ୍ ଚାମ୍ପିୟନମାନେ ପ୍ରମାଣ କରିଛନ୍ତି ଯେ ‘ପିଏମ୍ ସୂର୍ଯ୍ୟ ଘର ଯୋଜନା’ ମାଧ୍ୟମରେ ରୁଫ୍‌ଟପ୍ ସୋଲାର୍ ଆପଣାଇବା ଦ୍ୱାରା କିଭଳି ପରିବାରଗୁଡ଼ିକ ଉପକୃତ ହେବା ସହ ଦେଶର ସ୍ୱଚ୍ଛ ଶକ୍ତି ଲକ୍ଷ୍ୟ ପୂରଣରେ ସହାୟକ ହୋଇପାରୁଛନ୍ତି। ସେଣ୍ଟ୍ରାଲ ଓଡ଼ିଶାରେ ଏଭଳି ଦୀର୍ଘସ୍ଥାୟୀ ଉଦ୍ୟମକୁ ପ୍ରୋତ୍ସାହିତ କରିବା ପାଇଁ ଟିପିସିଓଡିଏଲ୍ ସବୁବେଳେ ପ୍ରତିବଦ୍ଧ। ଏହି କାର୍ଯ୍ୟକ୍ରମ ମାଧ୍ୟମରେ ଟିପିସିଓଡିଏଲ୍ ଉପଭୋକ୍ତାମାନଙ୍କୁ ସଶକ୍ତ କରିବା ଏବଂ ଭାରତର ସବୁଜ ଶକ୍ତି ମିସନକୁ ସମର୍ଥନ କରିବା ପାଇଁ ଥିବା ଲକ୍ଷ୍ୟକୁ ପୁଣି ଥରେ ସ୍ପଷ୍ଟ କରିଛି। ଏହା ଭବିଷ୍ୟତରେ ଏକ ଶକ୍ତି ସୁରକ୍ଷିତ ରାଷ୍ଟ୍ର ଗଠନରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ବୋଲି କମ୍ପାନୀ ଆଶା ପ୍ରକାଶ କରିଛି।