ଭୁବନେଶ୍ୱର, ୧୨ା୮(ପ୍ରସନଜିତ୍ ସାହୁ):ବରମୁଣ୍ଡାର ଦଶମ ଶ୍ରେଣୀ ଛାତ୍ର ପ୍ରିୟାଂଶୁ ବେହେରାଙ୍କ ନିଖୋଜ ଘଟଣାକୁ ଏକ ମାସରୁ ଅଧିକ ଦିନ ବିତିଥିବା ବେଳେ ପୁଣି ଜଣେ ନାବାଳକ ନିଖୋଜ ହୋଇଛନ୍ତି। ସେ ହେଲେ ଧବଳେଶ୍ବର ନାହାକ(୧୬)। ଚନ୍ଦ୍ରଶେଖରପୁର ଥାନା ନୀଳାଦ୍ରୀବିହାରସ୍ଥିତ ପଣ୍ଡାପାର୍କ ବସ୍ତିରେ ଏଭଳି ଘଟଣା ଘଟିଛି। ପୁଅକୁ ନ ପାଇ ମା’ବାପା ଦୁଃଖରେ ଭାଙ୍ଗି ପଡିବା ସହ ତାଙ୍କ ଫଟୋକୁ ଧରି ଚାରିଆଡ଼େ ବୁଲି ପଚାରୁଥିବା ଦେଖିବାକୁ ମିଳିଛି। ଏଥିସହ ଥାନାରେ ଏକ ଅପହରଣ ଅଭିଯୋଗ କରିଛନ୍ତି। ପୋଲିସ ଏକ ମାମଲା (ନଂ. ୭୮୫/୨୦୨୬) ରୁଜୁ କରି ସିସିଟିଭି ଫୁଟେଜ ଆଧାରରେ ତଦନ୍ତ ଆରମ୍ଭ କରିଥିଲା। ତେବେ ଉକ୍ତ ନିଖୋଜ ନାବାଳକ ଭରତପୁର ବସ୍ତିରେ କିନ୍ନରଙ୍କ ସହ ରହୁଥିବା ପୋଲିସ କହିଛି।
ପୋଲିସ ସୂଚନାନୁସାରେ, ଗଞ୍ଜାମ ଜିଲା କବିସୂର୍ଯ୍ୟନଗରରୁ ଆସି ପଣ୍ଡାପାର୍କ ବସ୍ତିରେ ଧବଳେଶ୍ବରଙ୍କ ପରିବାର ବହୁ ବର୍ଷ ହେବ ଭଡ଼ା ଘରେ ରହୁଛନ୍ତି। ଧବଳେଶ୍ବରଙ୍କ ବାପା କେଶବ ନାହାକ ଜଣେ ସିକ୍ୟୁରିଟି ଗାର୍ଡ ଭାବେ କାର୍ଯ୍ୟ କରୁଥିବା ବେଳେ ମା’ ଦିନ ମଜୁରିଆ। ଗତ ୭ ତାରିଖ ଅପରାହ୍ନ ୫ଟାରୁ ଧବଳେଶ୍ୱର କେଉଁଆଡେ ନିଖୋଜ ହୋଇଯାଇଥିଲେ। ମା’ ବାପା କାମରୁ ଫେରି ତାଙ୍କୁ ନ ପାଇ ଥାନାରେ ଅପହରଣ ଅଭିଯୋଗ କରିଥିଲେ।
ସୌଜନ୍ୟ ଧରିତ୍ରୀ
