ରାଜ୍ୟ
Mission Shakti: ହାଇକୋର୍ଟରେ ୬ଶହ ମିସନ୍ ଶକ୍ତି ମାମଲାର ଶୁଣାଣି ଶେଷ: ପୁନର୍ଗଠନ ମାର୍ଗଦର୍ଶିକାକୁ ଚ୍ୟାଲେଞ୍ଜ
ଏସ୍ଏଚ୍ଜି ଓ ଅନ୍ୟ ଗୋଷ୍ଠୀ ଅନୁଷ୍ଠାନଗୁଡ଼ିକର କମିଟି ପୁନର୍ଗଠନ ପାଇଁ ମିସନ୍ ଶକ୍ତି ବିଭାଗ ପକ୍ଷରୁ ଜାରି ମାର୍ଗଦର୍ଶିକା ବିରୋଧରେ ହାଇକୋର୍ଟରେ ବିଚାରାଧୀନ ପ୍ରାୟ ୬ଶହ ମାମଲାର ଆଜି ଶୁଣାଣି ଶେଷ ହୋଇଛି।
କଟକ: ଏସ୍ଏଚ୍ଜି ଓ ଅନ୍ୟ ଗୋଷ୍ଠୀ ଅନୁଷ୍ଠାନଗୁଡ଼ିକର କମିଟି ପୁନର୍ଗଠନ ପାଇଁ ମିସନ୍ ଶକ୍ତି ବିଭାଗ ପକ୍ଷରୁ ଜାରି ମାର୍ଗଦର୍ଶିକା ବିରୋଧରେ ହାଇକୋର୍ଟରେ ବିଚାରାଧୀନ ପ୍ରାୟ ୬ଶହ ମାମଲାର ଆଜି ଶୁଣାଣି ଶେଷ ହୋଇଛି। ଜଷ୍ଟିସ୍ ବିରଜା ପ୍ରସନ୍ନ ଶତପଥୀଙ୍କୁ ନେଇ ଗଠିତ ଖଣ୍ଡପୀଠରେ ଆଜି ଉଭୟପକ୍ଷଙ୍କ ତରଫରୁ ଚୂଡ଼ାନ୍ତ ପର୍ଯ୍ୟାୟ ଯୁକ୍ତି ଉପସ୍ଥାପନ ହୋଇଥିଲା। ହାଇକୋର୍ଟ ମାମଲାଗୁଡ଼ିକର ଶୁଣାଣି ଶେଷ କରି ରାୟ ସଂରକ୍ଷିତ ରଖିଛନ୍ତି।
ମାମଲାର ବିବରଣୀରୁ ପ୍ରକାଶ ଯେ, ମିସନ୍ ଶକ୍ତି ବିଭାଗ କମିସନର୍ ତଥା ସଚିବଙ୍କ ତରଫରୁ ଏସ୍ଏଚ୍ଜି, ସିଏଲ୍ଏଫ୍, ଜିପିଏଲ୍ଏଫ୍, ବିଏଲ୍ଏଫ୍ ଓ ଡିଏଲ୍ଏଫ୍ର ପରିଷଦ/କମିଟି/ସବ୍-କମିଟି ପୁନର୍ଗଠନ ପ୍ରସଙ୍ଗରେ ଜାରି ମାର୍ଗଦର୍ଶିକା ନେଇ ରାଜ୍ୟର ସମସ୍ତ ଜିଲ୍ଲାପାଳଙ୍କୁ ୨୦୨୫ ଜାନୁଆରି ୨୨ରେ ଚିଠି ଲେଖାଯାଇଥିଲା। ଜଣେ ସଦସ୍ୟ ଦୁଇ ଥର ଅଫିସ ବିଅରର୍ ହୋଇପାରିବେ ନାହିଁ ବୋଲି ମାର୍ଗଦର୍ଶିକାରେ ସ୍ପଷ୍ଟ କରାଯାଇଥିଲା।
ସୌଜନ୍ୟ ସମ୍ବାଦ
