India A vs Australia A: ପୁଡୁଚେରୀ ଏ’ ଟେଷ୍ଟ୍ ଜିତିଲା ଭାରତ
ଭ୍ରମଣକାରୀ ଅଷ୍ଟ୍ରେଲିଆ-ଏ ବିପକ୍ଷ ପ୍ରଥମ ଅନୌପଚାରିକ ଟେଷ୍ଟ୍କୁ ଭାରତୀୟ-ଏ ଦଳ ୧୬୨ ରନ୍ରେ ଜିତି ନେଇଛି। ଫଳରେ ୨ ମ୍ୟାଚ୍ ବିଶିଷ୍ଟ ଶୃଙ୍ଖଳାରେ ଘରୋଇ ଦଳ ୧-୦ରେ ଆଗୁଆ ହୋଇଯାଇଛି।
ପୁଡ଼ୁଚେରୀ: ଭ୍ରମଣକାରୀ ଅଷ୍ଟ୍ରେଲିଆ-ଏ ବିପକ୍ଷ ପ୍ରଥମ ଅନୌପଚାରିକ ଟେଷ୍ଟ୍କୁ ଭାରତୀୟ-ଏ ଦଳ ୧୬୨ ରନ୍ରେ ଜିତି ନେଇଛି। ଫଳରେ ୨ ମ୍ୟାଚ୍ ବିଶିଷ୍ଟ ଶୃଙ୍ଖଳାରେ ଘରୋଇ ଦଳ ୧-୦ରେ ଆଗୁଆ ହୋଇଯାଇଛି। ୩୬୩ ରନ୍ର ବିଜୟ ଲକ୍ଷ୍ୟକୁ ପିଛା କରୁଥିବା ଅଷ୍ଟ୍ରେଲିଆ ଶେଷ ଦିନର ମଧ୍ୟାହ୍ନ ବିରତି ପରେ ପରେ ୨୦୦ ରନ୍ରେ ଅଲ୍ଆଉଟ୍ ହୋଇଯାଇଥିଲା। ଶୁକ୍ରବାର ୫୫/୨ରୁ ଖେଳ ଆରମ୍ଭ କରିଥିବା ଭ୍ରମଣକାରୀ ଦଳର ଶେଷ ୮ ୱିକେଟ୍କୁ ଭାରତୀୟ ବୋଲର ୧୪୫ ରନ୍ରେ ନେଇ ଦଳକୁ ବିଜୟ ଭେଟି ଦେଇଥିଲେ। ଅଷ୍ଟ୍ରେଲିଆ ପକ୍ଷରୁ ଫର୍ଗୁସ ଓ’ନିଲ୍ ୪୭ ଓ ନାଥନ ମ୍ୟାକ୍ସ୍ବିନି ୩୬ ରନ୍ କିଛିଟା ଲଢ଼ିଥିଲା ବେଳେ ଭାରତ ପକ୍ଷରୁ ତୁଷାର ଦେଶପାଣ୍ଡେ ଓ ସାମ୍ସ ମୁଲାନି ୩ ଲେଖାଏଁ ଏବଂ ଅଂଶୁଲ କମ୍ବୋଜ ଓ ତନୁଷ କୋଟିଆନ୍ ୨ ଲେଖାଏଁ ୱିକେଟ୍ ନେଇଥିଲେ। ପୂର୍ବରୁ ଭାରତ ପ୍ରଥମ ପାଳିରେ କୁମାର କୁଶାଗ୍ରାଙ୍କ ଶତକ ବଳରେ ୩୩୪ ରନ୍ କରିଥିଲା ବେଳେ ଅଷ୍ଟ୍ରେଲିଆ ୧୭୧ ରନ୍ କରିଥିଲା। ଦ୍ବିତୀୟ ପାଳିରେ ଭାରତ ୧୯୯ ରନ୍ରେ ଅଲ୍ଆଉଟ୍ ହୋଇଯାଇଥିଲା। କୁଶାଗ୍ରା (୧୧୩, ୪୬*) ମ୍ୟାଚ୍ର ଶ୍ରେଷ୍ଠ ଖେଳାଳି ପୁରସ୍କାର ପାଇଥିଲେ।
ସୌଜନ୍ୟ ସମ୍ବାଦ
