- ଠିକାଦାରଙ୍କ ଘରୁ ମିଳିଲା ଜମି ପଟ୍ଟା, ଲକର୍ ଚାବି
- ସରୁନି ସମ୍ପତ୍ତି ଆକଳନ, ୨୩ ଦାମୀ ପ୍ଲଟ୍ ଠାବ
- ୧୦.୫୭ ଲକ୍ଷ ନଗଦ ଟଙ୍କା, ବ୍ୟାଙ୍କ୍ ଜମା ୬୯.୬୯ ଲକ୍ଷ
ବାଲେଶ୍ୱର/ବେତନଟୀ,୦୭\୧୦: ବେଆଇନ୍ ସମ୍ପତ୍ତି ଠୁଳ କରିଥିଲେ । ଦିନେ ନା ଦିନେ ଭିଜିଲାନ୍ସ ଚଢ଼ଉ ହେବ ଆଶଙ୍କା ମଧ୍ୟ କରିଥିଲେ । ଏଥିରୁ ବର୍ତ୍ତିବାକୁ ସମ୍ପତ୍ତିର କାଗଜପତ୍ର ଜଣେ ବିଶ୍ୱସ୍ତ ଠିକାଦାରଙ୍କ ଘରେ ମାଟିତଳେ ଲୁଚାଇଥିଲେ । କିନ୍ତୁ ଉପାୟ କାମ ଦେଲାନି । ଭିଜିଲାନ୍ସ ହାତରେ ଲାଗିଛି ତାଙ୍କର ସବୁ ଗୁପ୍ତ ଧନ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ମୟୂରଭଞ୍ଜ ଜିଲ୍ଲା ବେତନଟୀ ପୂର୍ତ୍ତ ବିଭାଗ ସବ୍ଡିଭିଜନର କାର୍ଯ୍ୟନିର୍ବାହୀ ଯନ୍ତ୍ରୀ ଅରବିନ୍ଦ ମହାନ୍ତି ମଙ୍ଗଳବାର ଗିରଫ ହୋଇଛନ୍ତି । ସମ୍ପତ୍ତି ବିଷୟରେ ଭିଜିଲାନ୍ସକୁ ସନ୍ତୋଷଜନକ ଉତ୍ତର ଦେଇପାରି ନଥିଲେ । ଅପରପକ୍ଷରେ ଭିଜିଲାନ୍ସ ଟିମ୍ ପକ୍ଷରୁ ବିଭିନ୍ନ ସ୍ଥାନରେ ଏବେ ବି ତାଙ୍କ ସମ୍ପତ୍ତି ଠାବ ପ୍ରକ୍ରିୟା ଜାରି ରହିଛି ।
ସୌଜନ୍ୟ ପ୍ରମେୟ
