GenZ: ଜେନ୍‌-ଜି ଆନ୍ଦୋଳନରେ ବିଦେଶୀ ହସ୍ତକ୍ଷେପ ଅଭିଯୋଗର ତଦନ୍ତ ଦାବି

ଲେଖାରେ କୁହାଯାଇଛି ଯେ ଭାରତର ଆଭ୍ୟନ୍ତରୀଣ ରାଜନୀତିରେ ବିଦେଶୀ ଶକ୍ତିଙ୍କ ହସ୍ତକ୍ଷେପ ଦେଶର ଗଣତାନ୍ତ୍ରିକ ବ୍ୟବସ୍ଥା ଓ ନିର୍ବାଚନୀ ଜନାଦେଶ ପ୍ରତି ବିପଦ ସୃଷ୍ଟି କରିପାରେ। ବିଦେଶରୁ ପରିଚାଳିତ ପ୍ରଚାର, ଗୁପ୍ତ ଆର୍ଥିକ ସହାୟତା ଓ ସାମାଜିକ ଗଣମାଧ୍ୟମରେ ସମନ୍ୱିତ ପ୍ରଚାର ମାଧ୍ୟମରେ ଦେଶର ରାଜନୈତିକ ପରିସ୍ଥିତିକୁ ପ୍ରଭାବିତ କରିବାର ଉଦ୍ୟମ ହୋଇପାରେ ବୋଲି ସେ ଆଶଙ୍କା ପ୍ରକାଶ କରିଛନ୍ତି। ଜେନ୍‌-ଜି ଆନ୍ଦୋଳନ ପ୍ରଥମେ ସାମାଜିକ ଗଣମାଧ୍ୟମରେ ବ୍ୟଙ୍ଗ ଓ ପ୍ରଚାର ଭାବେ ଆରମ୍ଭ ହୋଇ ପରେ ରାସ୍ତାକୁ ଆସିଥିବା କଥା ଲେଖାରେ ଉଲ୍ଲେଖ କରାଯାଇଛି। ଏହା ପଛରେ କିଏ ଅର୍ଥ ଯୋଗାଉଛି, କେଉଁ ସଂଗଠନ ପ୍ରଚାର ପରିଚାଳନା କରୁଛି ଏବଂ ବିଦେଶୀ ମତାମତ ପ୍ରଭାବିତ କରିବାରେ କେତେ ଭୂମିକା ନେଉଛି, ସେସବୁ ତଦନ୍ତର ପରିସରଭୁକ୍ତ ହେବା ଉଚିତ। ନେପାଳ ଓ ବାଂଲାଦେଶରେ ହୋଇଥିବା ଜେନ୍‌-ଜି ଆନ୍ଦୋଳନର ଉଦାହରଣ ଦେଇ ଲେଖକ ରାଜନୈତିକ ଅସ୍ଥିରତାର ଆଶଙ୍କା ମଧ୍ୟ ଉଠାଇଛନ୍ତି।