Ajit Doval Iran Phone Call: ଇରାନ ସହ ଫୋନ୍ରେ କଥା ହେଲେ ଅଜିତ ଡୋଭାଲ, ମଧ୍ୟପ୍ରାଚ୍ୟରେ ବଢ଼ିଲା ଚର୍ଚ୍ଚା
ନୂଆଦିଲ୍ଲୀ ୧୩/୧୦: ଭାରତର ଜାତୀୟ ସୁରକ୍ଷା ପରାମର୍ଶଦାତା (NSA) ଅଜିତ ଡୋଭାଲ ଇରାନ ସହ ଆଲୋଚନା କରିଛନ୍ତି। ସୋମବାର ଦିନ ସେ ଇରାନର ଜାତୀୟ ସୁରକ୍ଷା ପରାମର୍ଶଦାତା ମୋହସିନ୍ ରେଜାଇଙ୍କ ସହ ଟେଲିଫୋନ୍ ଯୋଗେ ମଧ୍ୟ-ପୂର୍ବ ଅଞ୍ଚଳରେ ଜାରି ରହିଥିବା ଉତ୍ତେଜନା ସମ୍ପର୍କରେ ଆଲୋଚନା କରିଛନ୍ତି। ନୂଆଦିଲ୍ଲୀସ୍ଥିତ ଇରାନ ଦୂତାବାସ ଏହି ଆଲୋଚନା ସମ୍ପର୍କିତ ବିବରଣୀ ପ୍ରଦାନ କରିଛି। ଯଦିଓ ଭାରତ ଏବଂ ଇରାନ ମଧ୍ୟରେ ଐତିହାସିକ ଭାବେ ଦୃଢ଼ ସମ୍ପର୍କ ରହିଆସିଛି ଏବଂ ସଂଘର୍ଷ ଯୋଗୁଁ ବାଣିଜ୍ୟ ପ୍ରଭାବିତ ହୋଇଛି, ତଥାପି ସାମ୍ପ୍ରତିକ ଆଲୋଚନାଟି ମୁଖ୍ୟତଃ ମଧ୍ୟ-ପୂର୍ବର ସ୍ଥିତି ଉପରେ କେନ୍ଦ୍ରିତ ଥିଲା।
ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ ରେ ଏକ ପୋଷ୍ଟ ମାଧ୍ୟମରେ ଇରାନ ଦୂତାବାସ ଜଣାଇଛି ଯେ, ଇରାନର ସର୍ବୋଚ୍ଚ ଜାତୀୟ ସୁରକ୍ଷା ପରିଷଦର ସଚିବ ମୋହସିନ୍ ରେଜାଇ ସୋମବାର ସନ୍ଧ୍ୟାରେ ଭାରତର ଜାତୀୟ ସୁରକ୍ଷା ପରାମର୍ଶଦାତା (NSA) ଅଜିତ ଡୋଭାଲଙ୍କ ସହ ଟେଲିଫୋନ୍ ଯୋଗେ ଆଲୋଚନା କରିଥିଲେ। ଦୂତାବାସ ପକ୍ଷରୁ କୁହାଯାଇଛି ଯେ, “ଇରାନର ସର୍ବୋଚ୍ଚ ଜାତୀୟ ସୁରକ୍ଷା ପରିଷଦର ସଚିବ ଡକ୍ଟର ମୋହସିନ୍ ରେଜାଇ ଭାରତର ଜାତୀୟ ସୁରକ୍ଷା ପରାମର୍ଶଦାତା ଅଜିତ୍ ଡୋଭାଲଙ୍କ ସହ ଟେଲିଫୋନ୍ ଯୋଗେ ଆଲୋଚନା କରିଛନ୍ତି। ଏହି ସମୟରେ ଉଭୟ ପକ୍ଷ ପାରସ୍ପରିକ ସ୍ୱାର୍ଥ ଜଡ଼ିତ ବିଷୟ ଏବଂ ସାମ୍ପ୍ରତିକ ଆଞ୍ଚଳିକ ତଥା ଆନ୍ତର୍ଜାତୀୟ ଘଟଣାବଳୀ ଉପରେ ମତାମତ ଆଦାନପ୍ରଦାନ କରିଛନ୍ତି।”
ସୌଜନ୍ୟ ପ୍ରମେୟ
