Donkey route to US: ‘ଡଙ୍କି’ ରୁଟ୍ରେ ଆମେରିକା ଯାଉଥିଲେ ୩ ଭାଇଭଉଣୀ: ଇଥିଓପିୟାରେ ଅପହରଣ, ଟିକଟ କରି ଭାରତ ପଠାଇଲେ ଦୟାଳୁ ଅପହର୍ତ୍ତା
ନୂଆଦିଲ୍ଲୀ ୦୬/୧୦: ଗତ ୧ ତାରିଖ ୩ ଭାଇଭଉଣୀ ମମତା (୩୦), ରୁତ୍ୱିକ (୨୩) ଓ ମୟୂରୀ (୨୭) ଯେତେବେଳେ ଗୁଜରାଟର ମେହସାନା ଜିଲ୍ଲାର ଲାଲଗଞ୍ଜରେ ପହଞ୍ଚିଲେ, ଘରକୁ ଯିବା ବଦଳରେ ସ୍ଥାନୀୟ ଥାନାରେ ଅଟକିଲେ । ଏହା ପୁଲିସ ପ୍ରକ୍ରିୟା ପାଇଁ ଜରୁରି ଥିଲା । କିନ୍ତୁ ୩ ଭାଇଭଉଣୀ ପୁଲିସ ଅଧିକାରୀଙ୍କୁ ସାକ୍ଷାତ କରିବାକୁ ଚାହୁଁଥିଲେ, ଯେଉଁମାନଙ୍କର ଫୋନ୍ରେ ଉଲ୍ଲେଖଯୋଗ୍ୟ ଆପୋସ ବୁଝାମଣା କୌଶଳ ଯୋଗୁ ଇଥିଓପିୟାରେ ଅପହରଣକାରୀଙ୍କର ଏକ ଗ୍ୟାଙ୍ଗ୍ କବଳରୁ ସେମାନେ ମୁକ୍ତି ପାଇଲେ ।
ଉତ୍ତର ଗୁଜରାଟର ବଡ଼ସମା ଗାଁର ଏକ ଚାଷୀ ପରିବାରର ଏହି ଭାଇଭଉଣୀ ଆମେରିକା ଯିବାକୁ ଆଶା ବାନ୍ଧିଥିଲେ । କିନ୍ତୁ ପ୍ରବାସ ଉପରେ ଟ୍ରମ୍ପ ପ୍ରଶାସନର କଡ଼ା କଟକଣା ଯୋଗୁ ସେମାନେ ଅବୈଧ ପନ୍ଥା ଆପଣେଇଲେ, ଯାହା ‘ଡଙ୍କି’ ରୁଟ୍ ନାମରେ ପରିଚିତ । କିନ୍ତୁ ସଫଳ ହୋଇପାରିଲେନି । ମେହସାନା ପୁଲିସ ଅନୁସାରେ, ଭାଇଭଉଣୀଙ୍କୁ ପୂର୍ବ ଆଫ୍ରିକାର ଇଥିଓପିୟାରେ ଅପହରଣ କରାଯାଇଥିଲା, ଯାହା ଆମେରିକା ଓ ଇରାନ ମଧ୍ୟରେ ଶତ୍ରୁତାପୂର୍ଣ୍ଣ ସ୍ଥାନଠୁ ବେଶି ଦୂର ନ ଥିଲା । ସେମାନଙ୍କୁ ସପ୍ତାହେ ଧରି ବନ୍ଧକ ରଖାଗଲା ।
ସୌଜନ୍ୟ ପ୍ରମେୟ
