Facebook: ଫେସବୁକରେ ପୁରୁଣା ଇମେଲ୍ ଆଇଡି ହଟାଇ ନୂଆ କିପରି ଯୋଡ଼ିବେ? ଜାଣନ୍ତୁ ସହଜ ଉପାୟ

ନୂଆଦିଲ୍ଲୀ: ଫେସବୁକ (Facebook) ଆକାଉଣ୍ଟ ତିଆରି କରିବା ସମୟରେ ବ୍ୟବହୃତ ହୋଇଥିବା ଇମେଲ ଆଇଡି କାଳକ୍ରମେ ଅନେକ ସମୟରେ ବଦଳାଇବାର ଆବଶ୍ୟକତା ପଡ଼ିଥାଏ। ଯଦି ଆପଣ ନିଜର ପୁରୁଣା ଇମେଲ ଆଇଡି କୁ ହଟାଇବାକୁ ଚାହୁଁଛନ୍ତି କିମ୍ବା ଏକ ନୂଆ ଇମେଲ ଆଇଡି ଯୋଡ଼ିବାକୁ ଚାହୁଁଛନ୍ତି, ତେବେ ମେଟା (Meta) ଏଥିପାଇଁ Accounts Centre ରେ ଅତ୍ୟନ୍ତ ସହଜ ସୁବିଧା ପ୍ରଦାନ କରିଛି। ଫେସବୁକ ଆକାଉଣ୍ଟରେ ନୂଆ ଇମେଲ ଆଇଡି ଯୋଡ଼ିବା, ପୁରୁଣା ଆଇଡି ହଟାଇବା ଏବଂ ପରିବର୍ତ୍ତନ କରିବାର ସହଜ ପ୍ରକ୍ରିୟା ବାବଦରେ ଆଜି ଆମେ ଆପଣଙ୍କୁ କହିବୁ |

କେମିତି ବଦଳାଇବେ ପୁରୁଣା ଆଇଡି?

୧. ସେଟିଂସକୁ ଯାଆନ୍ତୁ
ପ୍ରଥମେ ନିଜ ମୋବାଇଲ କିମ୍ବା କମ୍ପ୍ୟୁଟରରେ ଫେସବୁକ ଆପ୍ କିମ୍ବା ୱେବସାଇଟ୍ ଓପନ୍ କରନ୍ତୁ। ଉପରେ ଡାହାଣ ପଟେ ଥିବା ନିଜର Profile Picture ଉପରେ କ୍ଲିକ୍ କରନ୍ତୁ। ଏହାପରେ Settings and privacy ଚୟନ କରି Settings କୁ ଯାଆନ୍ତୁ।

୨. Accounts Centre ଓପନ୍ କରନ୍ତୁ
Settings ଭିତରକୁ ଯିବା ପରେ Accounts Centre ଅପସନ ଉପରେ କ୍ଲିକ୍ କରନ୍ତୁ। ଏଠାରେ ଆପଣଙ୍କ ଆକାଉଣ୍ଟ ସହ ଜଡ଼ିତ ବ୍ୟକ୍ତିଗତ ତଥ୍ୟ ପରିଚାଳନା କରିବାର ବିକଳ୍ପ ମିଳିବ।

୩. Contact info କୁ ଯାଆନ୍ତୁ
Accounts Centre ରେ Personal details ଉପରେ କ୍ଲିକ୍ କରନ୍ତୁ ଏବଂ ଏହାପରେ Contact info ଓପନ୍ କରନ୍ତୁ। ଏହି ସ୍ଥାନରୁ ହିଁ ଆପଣ ଫେସବୁକ ଆକାଉଣ୍ଟ ସହ ଜଡ଼ିତ ଇମେଲ ଆଇଡି ଯୋଡ଼ିପାରିବେ କିମ୍ବା ହଟାଇପାରିବେ।

୪. ନୂଆ ଇମେଲ ID କିପରି ଯୋଡ଼ିବେ?
ନୂଆ ଇମେଲ ଯୋଡ଼ିବା ପାଇଁ Add new contact ଉପରେ କ୍ଲିକ୍ କରନ୍ତୁ ଏବଂ Add email address ଚୟନ କରନ୍ତୁ। ନିଜର ନୂଆ ଇମେଲ ID ଦାଖଲ କରନ୍ତୁ ଏବଂ ଯେଉଁ ଫେସବୁକ ଆକାଉଣ୍ଟ ସହ ଏହାକୁ ଯୋଡ଼ିବାକୁ ଚାହୁଁଛନ୍ତି, ତାହା ଚୟନ କରି Next କ୍ଲିକ୍ କରନ୍ତୁ। ଫେସବୁକ ଆପଣଙ୍କ ନୂଆ ଇମେଲ ID କୁ ଏକ କନଫରମେସନ୍ କୋଡ୍ (Confirmation Code) ପଠାଇବ। ସେହି କୋଡ୍‌ଟି ଦାଖଲ କରି Next ଏବଂ ପରେ Close ଉପରେ କ୍ଲିକ୍ କରନ୍ତୁ।

୫. ପୁରୁଣା ଇମେଲ ID କିପରି ହଟାଇବେ?
ପୁରୁଣା ଇମେଲ ହଟାଇବା ପାଇଁ Contact info ରେ ଥିବା ପୁରୁଣା Email Address ଉପରେ କ୍ଲିକ୍ କରନ୍ତୁ।ଏହାପରେ Delete email ଚୟନ କରନ୍ତୁ ଏବଂ ପୁନର୍ବାର Delete ଉପରେ କ୍ଲିକ୍ କରନ୍ତୁ। ସୁରକ୍ଷା ଦୃଷ୍ଟିରୁ ଫେସବୁକ ଆପଣଙ୍କୁ ଆକାଉଣ୍ଟର ପାସୱାର୍ଡ ପୁଣିଥରେ ମାଗିପାରେ। ପାସୱାର୍ଡ ଦେବା ପରେ Submit ଏବଂ ପରେ Close ଉପରେ କ୍ଲିକ୍ କରନ୍ତୁ।

ସୌଜନ୍ୟ ସମ୍ବାଦ