Nana Patekar: ରାଜନୀତିଠାରୁ ଦୂରରେ କାହିଁକି ରହିଲେ ନାନା ପାଟେକର ? BJPର ଏହି ନେତାଙ୍କୁ ମାନୁଥିଲେ ‘ଚାଣକ୍ୟ’
ମୁମ୍ୱାଇ, ୮।୧୦: ବଲିଉଡ୍ର ଦିଗ୍ଗଜ ଅଭିନେତା ନାନା ପାଟେକରଙ୍କ ମୃତ୍ୟୁ ଖବର ତାଙ୍କ ପ୍ରଶଂସକଙ୍କୁ ଗଭୀର ମର୍ମାହତ କରିଛି । ନାନା ପାଟେକର କେବଳ ପରଦାରେ ନିଜର ଦମଦାର୍ ଅଭିନୟ ପାଇଁ ପରିଚିତ ନଥିଲେ, ବରଂ ବାସ୍ତବ ଜୀବନରେ ମଧ୍ୟ ସେ ନିଜର ସ୍ପଷ୍ଟବାଦିତା ପାଇଁ ଜଣାଶୁଣା ଥିଲେ । ତାଙ୍କ ଜୀବନର ଏକ ରୋଚକ ଦିଗ ରାଜନୀତି ସହିତ ମଧ୍ୟ ଜଡ଼ିତ ଥିଲା । ସମୟ ସମୟରେ ତାଙ୍କର ନିର୍ବାଚନ ଲଢ଼ିବା ଏବଂ ରାଜନୀତିକୁ ଆସିବା ନେଇ ଚର୍ଚ୍ଚା ହେଉଥିଲା । ବିଭିନ୍ନ ରାଜନୈତିକ ଦଳ ପକ୍ଷରୁ ତାଙ୍କୁ ଅଫର୍ ମଧ୍ୟ ମିଳିଥିଲା, କିନ୍ତୁ ସେ କେବେ କୌଣସି ଦଳର ସଦସ୍ୟତା ଗ୍ରହଣ କରିନଥିଲେ ।
ରାଜନୀତିଠାରୁ ଦୂରେଇ ରହିବାର ଅସଲ କାରଣ:
ନାମୀଦାମୀ ଗଣମାଧ୍ୟମର ରିପୋର୍ଟ ଅନୁଯାୟୀ, ୨୦୧୪ ଲୋକସଭା ନିର୍ବାଚନ ସମୟରେ ବିଜେପି ପକ୍ଷରୁ ତାଙ୍କୁ ମୁମ୍ବାଇ ନର୍ଥ ସେଣ୍ଟ୍ରାଲ୍ ଆସନରୁ ନିର୍ବାଚନ ଲଢ଼ିବା ପାଇଁ ପ୍ରସ୍ତାବ ଦିଆଯାଇଥିଲା । ସେହି ସମୟରେ କଂଗ୍ରେସର ପ୍ରିୟା ଦତ୍ତ ଏହି ଆସନରୁ ସାଂସଦ ଥିଲେ । ମାତ୍ର ନାନା ଏହି ପ୍ରସ୍ତାବ ଗ୍ରହଣ କରିନଥିଲେ ଏବଂ ରାଜନୀତିଠାରୁ ନିଜକୁ ଦୂରେଇ ରଖିଥିଲେ । କେବଳ ୨୦୧୪ ନୁହେଁ, ପରବର୍ତ୍ତୀ ବର୍ଷଗୁଡ଼ିକରେ ମଧ୍ୟ ତାଙ୍କ ନିର୍ବାଚନ ଲଢ଼ିବା ନେଇ ଚର୍ଚ୍ଚା ହୋଇଥିଲା । ୨୦୨୪ ଲୋକସଭା ନିର୍ବାଚନ ସମୟରେ ମଧ୍ୟ ଏପରି ଗୁଜବ ଉଠିଥିଲା । ଏକ ସାକ୍ଷାତକାରରେ ନାନା କହିଥିଲେ ଯେ, ସେ କେବେବି ରାଜନୀତିକୁ ଆସିପାରିବେ ନାହିଁ । ଏହାର ସବୁଠାରୁ ବଡ଼ କାରଣ ଥିଲା ତାଙ୍କର ସ୍ପଷ୍ଟ କହିବା ଅଭ୍ଯାସ । ସେ ଯାହା ଅନୁଭବ କରନ୍ତି, ତାହାକୁ ଖୋଲାଖୋଲି ଭାବେ କହିଦିଅନ୍ତି । ଏଭଳି ପରିସ୍ଥିତିରେ ଯଦି ସେ କୌଣସି ରାଜନୈତିକ ଦଳରେ ଯୋଗ ଦିଅନ୍ତି ଏବଂ କୌଣସି ପ୍ରସଙ୍ଗରେ ଦଳର ମୁଖ୍ୟଙ୍କ ସହିତ ମତଭେଦ ହୁଏ, ତେବେ ତାଙ୍କ ପାଇଁ ସେହି ଦଳରେ ତିଷ୍ଠି ରହିବା କଷ୍ଟକର ହୋଇପଡ଼ିବ ।
ସୌଜନ୍ୟ ପ୍ରମେୟ
