Ambulance: ଅଧାବାଟରେ ଆମ୍ବୁଲାନ୍ସରୁ ତେଲ, ଅକ୍ସିଜେନ୍‌ ସରିଗଲା: ରୋଗୀଙ୍କ ଜୀବନ ଗଲା

ଗୋବିନ୍ଦପୁର ଗ୍ରାମର ବୈଷ୍ଣବ କାଣ୍ତିଙ୍କ ପୁଅ ପ୍ରକାଶ ଘରୋଇ କଳହକୁ କେନ୍ଦ୍ର କରି ଗୁରୁବାର ବିଷ ପିଇ ଦେଇଥିଲେ। ତାଙ୍କୁ ପ୍ରଥମେ ଛତା ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ଏବ˚ ପରେ ଜିଲ୍ଲା ହସ୍ପିଟାଲ୍‌କୁ ପଠାଯାଇଥିଲା। ସେଠାରୁ ଡାକ୍ତର କଟକ ବଡ଼ ମେଡିକାଲ୍‌ ସ୍ଥାନାନ୍ତର କରିଥିଲେ। ଗୁରୁବାର ରାତିରେ ପ୍ରକାଶଙ୍କ ଚିକିତ୍ସା ବଡ଼ ମେଡିକାଲ୍‌ରେ ହୋଇଥିଲା। ମାତ୍ର ଅବସ୍ଥା ସ˚କଟାପନ୍ନ ହେଉଥିବାରୁ ଆଇସିୟୁର ଆବଶ୍ୟକତା ଯୋଗୁଁ ବଡ଼ଭାଇ ବିଭୂତି କାଣ୍ତି ଓ ଭାଉଜ ଝରଣା ଭୁବନେଶ୍ବରସ୍ଥିତ ଏକ ଘରୋଇ ହସ୍ପିଟାଲ୍‌କୁ ନେଉଥିଲେ। ଆଜି ଦିନ ଗୋଟା‌ଏ ବେଳେ କଟକରୁ ଗୁରୁତର ପ୍ରକାଶଙ୍କୁ ଭୁବନେଶ୍ବର ନିଆଯାଉଥିବା ବେଳେ କାଠଯୋଡ଼ି ପୋଲ ଉପରେ ତେଲ ସରିଯିବାରୁ ଆମ୍ବୁଲାନ୍ସ ଅଟକି ଯାଇଥିଲା। ଅକ୍ସିଜେନ୍‌ ଚାଲିନଥିଲା।

ଶ୍ମଶାନରୁ ବ୍ୟବଚ୍ଛେଦ ପାଇଁ ଗଲା ଶବ

ଫଳରେ କାଠଯୋଡ଼ି ପୋଲ ଉପରେ ହିଁ ପ୍ରକାଶ ଆଖି ବୁଜିଦେଲେ ବୋଲି ବଡ଼ଭାଇ ବିଭୂତି କହିଛନ୍ତି। ସେଠାରୁ ପ୍ରକାଶଙ୍କ ଶବ ସିଧା ଗାଁ ଶ୍ମଶାନକୁ ଅନ୍ୟ ଏକ ଆମ୍ବୁଲାନ୍ସରେ ଅଣାଯାଇଥିଲା। ଶ୍ମଶାନରେ ଶେଷକୃତ୍ୟ ସ˚ପନ୍ନ ପାଇଁ ପ୍ରସ୍ତୁତି ଚାଲିଥିବା ବେଳେ ଅଚାନକ ମହୁମାଛି ଆକ୍ରମଣ ଫଳରେ ଅନ୍ତ୍ୟେଷ୍ଟିକ୍ରିୟାରେ ବାଧା ଉପୁଜିଥିଲା। ଏହା ଭିତରେ ବ୍ୟବଚ୍ଛେଦ ନ କରି ଶବଦାହକୁ ବିରୋଧ କରାଯିବା ପରେ ପୁନଶ୍ଚ ଶ୍ମଶାନରୁ ପ୍ରକାଶଙ୍କ ମରଶରୀରକୁ ବ୍ୟବଚ୍ଛେଦ ପାଇଁ ଜିଲ୍ଲା ହସ୍ପିଟାଲ୍‌କୁ ଅଣାଯାଇଥିଲା। ଆସନ୍ତାକାଲି ଶବ ବ୍ୟବଚ୍ଛେଦ ପରେ ଶେଷକୃତ୍ୟ ସ˚ପନ୍ନ କରାଯିବ ବୋଲି ସୂଚନା ମିଳିଛି।