Raid and Action: ଗୁଜରାଟରେ ୫ପାକିସ୍ତାନୀ ଗିରଫ! ୩୦୦୦ କୋଟି ମୂଲ୍ୟର ଡ୍ରଗ୍ସ ଜବତ

ଭାରତୀୟ ତଟରକ୍ଷୀ ବାହିନୀ ଏବଂ ଗୁଜୁରାଟ ଆତଙ୍କବାଦ ନିରୋଧୀ ଦଳ ଆରବ ସାଗରରେ ନିଶା କାରବାର ବିରୋଧରେ ଏକ ବଡ଼ ଅଭିଯାନ ଆରମ୍ଭ କରିଛନ୍ତି। ଲକ୍ଷଦ୍ୱୀପର ପଶ୍ଚିମରେ ଏକ ସନ୍ଦିଗ୍ଧ ଇରାନୀ ଡଙ୍ଗାକୁ ଅଟକାଇ ପ୍ରାୟ ୫୨୬ କିଲୋଗ୍ରାମ ନିଶାଦ୍ରବ୍ୟ ଜବତ କରିଛନ୍ତି। ଆନ୍ତର୍ଜାତୀୟ ବଜାରରେ ଏହି ନିଶାଦ୍ରବ୍ୟଗୁଡ଼ିକର ମୂଲ୍ୟ ୩୦୦୦ କୋଟିରୁ ଅଧିକ ହେବ ବୋଲି ଆକଳନ କରାଯାଇଛି।

ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା, ଡଙ୍ଗା ଚଳାଉଥିବା ପାଞ୍ଚ ଜଣ ପାକିସ୍ତାନୀ ନାଗରିକ ମଧ୍ୟ ଗିରଫ ହୋଇଛି। ଏହା ସୂଚାଇ ଦେଉଛି ଯେ ସମୁଦ୍ର ପଥରେ ଏତେ ବଡ଼ ନିଶାଦ୍ରବ୍ୟ ଭାରତକୁ ଚୋରା ଚାଲାଣ କରିବାକୁ ଚେଷ୍ଟା କରାଯାଉଥିଲା। ସୁରକ୍ଷା ସଂସ୍ଥାଗୁଡ଼ିକ ସମୟ ମଧ୍ୟରେ ଏହି ପ୍ରୟାସକୁ ଚିହ୍ନଟ  କରିଥିଲେ। ସେପ୍ଟେମ୍ବର ୨୫ ତାରିଖରେ ସନ୍ଦେହଜନକ ଡଙ୍ଗାଟି ଦେଖାଯାଇଥିଲା। ପରେ ଏହାକୁ ଅଟକାଇ ଯାଞ୍ଚ କରାଯାଇଥିଲା ଏବଂ ସମ୍ପୂର୍ଣ୍ଣ ସାମଗ୍ରୀ ଜବତ କରାଯାଇଥିଲା।