Supremecourt: ମେଟ୍ରୋ ଚଳାଚଳ ସ୍ୱାଭାବିକ କର, ଇଣ୍ଟରନେଟ୍‌ ବନ୍ଦ କରନାହିଁ: ସୁପ୍ରିମ୍‌କୋର୍ଟ

ମୁଖ୍ୟ ନିର୍ବାଚନ ଆୟୁକ୍ତ ଜ୍ଞାନେଶ କୁମାରଙ୍କ ଇସ୍ତଫା ଦାବିରେ ଶନିବାର ଦିଲ୍ଲୀର ଯନ୍ତରମନ୍ତରଠାରେ ପ୍ରତିବାଦ କରିବାକୁ ଯୋଜନା ହୋଇଥିଲା। ଏହାକୁ ରୋକିବା ପାଇଁ ଦିଲ୍ଲୀରେ ପ୍ରାୟ ୪୧ ହଜାର ସୁରକ୍ଷାକର୍ମୀ ମୁତୟନ ହୋଇଥିଲେ। ପୁଲିସ ପ୍ରାୟ ୭ ହଜାର ଲୋକଙ୍କୁ ଅଟକ ରଖିଥିବା ରିପୋର୍ଟ ପ୍ରକାଶ ପାଇଥିଲା। ଏଥିସହ ଅନେକ ମେଟ୍ରୋ ଓ ରେଳ ଷ୍ଟେସନ୍‌ ବନ୍ଦ ରଖାଯାଇଥିବାରୁ ଲୋକମାନେ ଯାତାୟାତରେ ଅସୁବିଧା ଭୋଗିଥିଲେ। ଏହି ଘଟଣାକୁ ନେଇ ଦାଏର ଆବେଦନରେ ଅଭିଯୋଗ କରାଯାଇଥିଲା ଯେ ସୁପ୍ରିମ୍‌କୋର୍ଟ ଅକ୍ଟୋବର ୯ ତାରିଖରେ ଦେଇଥିବା ନିର୍ଦ୍ଦେଶକୁ ଅଧିକାରୀମାନେ ଅଣଦେଖା କରିଛନ୍ତି। ଅଦାଲତଙ୍କ ନିର୍ଦ୍ଦେଶ ସତ୍ତ୍ୱେ ମେଟ୍ରୋ ଓ ରେଳ ସେବା ବନ୍ଦ ରହିଥିଲା, ଯାତାୟାତ ପାଇଁ ଆବଶ୍ୟକ ସୂଚନା ଦିଆଯାଇନଥିଲା ଏବଂ ନିଷେଧାଦେଶ ଲାଗୁ ହୋଇଥିବା ଅଞ୍ଚଳ ବାହାରେ ମଧ୍ୟ ଲୋକଙ୍କୁ ଅଟକ ରଖାଯାଇଥିଲା।