ଗୁଆହାଟୀ: ତୃଣମୂଳ କଂଗ୍ରେସପଶ୍ଚିମବଙ୍ଗରେ ବଡ଼ ପରାଜୟ ଅଭିମୁଖେ ଅଗ୍ରସର ହେଉଥିବାବେଳେ ଆସାମରେ ଗୋଟିଏ ଆସନ ଜିତି ଏହା ସାନ୍ତ୍ବାନାମୂଳକ ବିଜୟ ହାସଲ କରିଛି। ଟିଏମ୍ସିର ପ୍ରାର୍ଥୀ ଶେରମାନ ଅଲ୍ଲି ଅହମଦ ପଶ୍ଚିମ ବାରପେଟା ଜିଲ୍ଲାର ସଂଖ୍ୟାଲଘୁ ବହୁଳ ମଣ୍ଡିଆ ନିର୍ବାଚନ ମଣ୍ଡଳୀରେ ବିଜେପି, କଂଗ୍ରେସ ଓ ଏଆଇୟୁଡିଏଫ୍ ପ୍ରାର୍ଥୀଙ୍କୁ ପରାସ୍ତ କରିଛି। ଅହମଦଙ୍କ ବିଜୟ ପଶ୍ଚିମବଙ୍ଗ ବାହାରେ ମମତା ବାନାର୍ଜୀଙ୍କ ଟିଏମସିକୁ ଏକ ପ୍ରତୀକାତ୍ମକ ଗୁରୁତ୍ୱ ପ୍ରଦାନ କରୁଛି।
ଏହସହିତ ଅହମଦଙ୍କ ସ୍ଥାନୀୟ ପ୍ରଭାବ ଓ ତାଙ୍କ ଆସନ ଉପରେ ଥିବା ଦଖଲକୁ ପ୍ରତିଫଳିତ କରୁଛି। ଅହମଦ ତାଙ୍କ ନିକଟତମ ପ୍ରତିଦ୍ବନ୍ଦ୍ବୀ ଅବଦୁଲ ଖାଲିକ୍ଙ୍କୁ ୧୧,୮୦୦ ଭୋଟରେ ପରାସ୍ତ କରିଥିଲେ।ଅହମଦଙ୍କ ବିଜୟ ଏକ ନୂତନ ଫର୍ଦ୍ଦ ଯୋଡିଛି। ତିନି ଥର ବିଧାୟକ ଥିବା ତଥା ପଶ୍ଚିମ ଆସାମରେ ଦୃଢ଼ ତୃଣମୂଳ ସ୍ତରୀୟ ଆକର୍ଷଣୀୟ ବ୍ୟକ୍ତିତ୍ୱ ସହିତ ଜଣେ ଜନନେତା ଭାବରେ ତାଙ୍କର ଲୋକପ୍ରିୟତା ରହିଛି।
ଦଳୀୟ ଶୃଙ୍ଖଳା ଉଲ୍ଲଂଘନ ଅଭିଯୋଗରେ ନିଲମ୍ବିତ ହୋଇଥିଲେ ଶେରମାନ
ଅହମଦ କଂଗ୍ରେସରେ ଯୋଗଦେବା ପୂର୍ବରୁ ୨୦୧୧ ମସିହାରେ ବାଗବାରରୁ ଅଲ୍ ଇଣ୍ଡିଆ ୟୁନାଇଟେଡ୍ ଡେମୋକ୍ରାଟିକ୍ ଫ୍ରଣ୍ଟ (ଏଆଇୟୁଡିଏଫ୍) ପ୍ରାର୍ଥୀ ଭାବରେ ଆସାମ ବିଧାନସଭାକୁ ଆସିଥିଲେ। ୨୦୧୬ ଓ ୨୦୨୧ ରେ ପୁନଃ ନିର୍ବାଚିତ ହୋଇଥିଲେ। ଦଳୀୟ ଶୃଙ୍ଖଳା ଉଲ୍ଲଂଘନ ଅଭିଯୋଗରେ କଂଗ୍ରେସ ଦ୍ୱାରା ଦୀର୍ଘ ସମୟ ଧରି ନିଲମ୍ବିତ ହୋଇଥିଲେ। ସେ କଂଗ୍ରେସ ପାର୍ଟିର ରାଜ୍ୟ ନେତୃତ୍ୱକୁ କଠୋର ସମାଲୋଚନା କରୁଥିଲେ। ଫେବ୍ରୁଆରି ୨୦୨୬ରେ ଅହମଦ ରାଇଜୋର ଦଳରେ ଯୋଗ ଦେଇଥିଲେ। ଦଳ ତାଙ୍କୁ ଉପାଧ୍ୟକ୍ଷ ନିଯୁକ୍ତ କରିଥିଲା। ତେବେ ରାଇଜୋର୍ ଦଳ ଓ କଂଗ୍ରେସ ମେଣ୍ଟ କରିବା ପରେ ମଣ୍ଡିଆ ଆସନ କଂଗ୍ରେସକୁ ଖାତାକୁ ଯାଇଥିଲା ଓ ସେ ଅନ୍ୟ ଜଣଙ୍କୁ ଏଠାରେ ପ୍ରାର୍ଥୀ କରିଥିଲା ଓ ଅହମଦ ରାଇଜୋର୍ ଦଳ ଛାଡ଼ି ଟିଏମ୍ସିରେ ଯୋଗ ଦେଇଥିଲେ।
ସୌଜନ୍ୟ ସମ୍ବାଦ
