ନୂଆଦିଲ୍ଲୀ: ଇରାନ ଏବଂ ଆମେରିକା ମଧ୍ୟରେ ଚାଲିଥିବା ଯୁଦ୍ଧ ଏବେ ସିଧାସଳଖ ଭାରତକୁ ପ୍ରଭାବିତ କରୁଛି। ଆଜି ସକାଳେ ଭାରତୀୟମାନଙ୍କୁ ଏକ ବଡ଼ ଝଟକା ଲାଗିଛି। ପେଟ୍ରୋଲ ଏବଂ ଡିଜେଲ ମୂଲ୍ୟ ତିନି ଟଙ୍କା ବୃଦ୍ଧି ପାଇଛି।ପଶ୍ଚିମ ଏସିଆରେ ଯୁଦ୍ଧ ଯୋଗୁଁ ଇନ୍ଧନ ଯୋଗାଣର ଅଭାବ ଦେଖାଯାଇଛି। ଗ୍ରାହକମାନଙ୍କୁ ଏହାର ବର୍ଦ୍ଧିତ ମୂଲ୍ୟର ବୋଝ ମଧ୍ୟ ବହନ କରିବାକୁ ପଡୁଛି। ଗତ କିଛି ଦିନ ଧରି ଯେପରି ଅନୁମାନ କରାଯାଉଥିଲା ତାହା ଅନୁଭୂବ ହୋଇଛି। ଶୁକ୍ରବାର ସକାଳ ୬ଟାରୁ ଦିଲ୍ଲୀ ସମେତ ସାରା ଦେଶରେ ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି ପାଇଛି।
ପେଟ୍ରୋଲର ମୂଲ୍ୟ ଲିଟର ପିଛା ୩.୧୪ ଟଙ୍କା ବୃଦ୍ଧି ପାଇଛି, ଯାହା ଫଳରେ ଏହା ଏବେ ୯୭.୭୭ ଟଙ୍କାକୁ ବୃଦ୍ଧି ପାଇଛି। ସେହିପରି ଡିଜେଲ ୩.୧୧ ଟଙ୍କା ମହଙ୍ଗା ହୋଇ ୯୦.୬୭ ଟଙ୍କାରେ ପହଞ୍ଚିଛି। ୨୦୨୨ ପରେ ପ୍ରଥମ ଥର ପାଇଁ ଆଜି ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି ପାଇଛି।
ଦିଲ୍ଲୀ ପେଟ୍ରୋଲ ଡିଲର୍ସ ଆସୋସିଏସନର ବିଦାୟୀ ସଭାପତି ନିଶ୍ଚଳ ସିଂଘାନିଆ କହିଛନ୍ତି ଯେ ଅନ୍ତର୍ଜାତୀୟ ଅଶୋଧିତ ତୈଳ ମୂଲ୍ୟରେ ଉତ୍ଥାନ-ପ୍ରବାହ ଏବଂ ଟଙ୍କାର ଦୁର୍ବଳତା ଯୋଗୁଁ ତୈଳ କମ୍ପାନୀଗୁଡ଼ିକ ଦ୍ୱାରା ଏହି ବୃଦ୍ଧି କରାଯାଇଛି। ପେଟ୍ରୋଲ କମ୍ପାନୀଗୁଡ଼ିକ ମଧ୍ୟରାତ୍ରିରେ ପେଟ୍ରୋଲ ପମ୍ପ ଅପରେଟରମାନଙ୍କୁ ଇମେଲ୍ ମାଧ୍ୟମରେ ଏହି ବୃଦ୍ଧି ଘୋଷଣା କରିଥିଲେ, ଯାହା ଶୁକ୍ରବାର ସକାଳ ୬ ଟାରୁ ଲାଗୁ ହେବ।
ଏହି ମୂଲ୍ୟ ବୃଦ୍ଧି ସିଧାସଳଖ ଦିଲ୍ଲୀ-ଏନସିଆର ଅଞ୍ଚଳର ବାସିନ୍ଦାଙ୍କ ଉପରେ, ବିଶେଷକରି ପ୍ରତିଦିନ ଯାତାୟାତ କରୁଥିବା ଯାତ୍ରୀ, ପରିବହନକାରୀ ଏବଂ ଛୋଟ ବ୍ୟବସାୟ ଉପରେ ପ୍ରଭାବ ପକାଇବ, ଯାହା ସାଧାରଣ ଲୋକଙ୍କ ପକେଟ ଉପରେ ଅତିରିକ୍ତ ବୋଝ ପକାଇବ।
ସୌଜନ୍ୟ Prameya News7
