Delhi Anganwadi Recruitment: ଡବ୍ଲୁସିଡି ‘ମିଶନ ବାତ୍ସଲ୍ୟ’ ଯୋଜନା ଅଭିଯାନ ଅଧୀନରେ ପ୍ରକାଶ କରିଛି ନିଯୁକ୍ତି ବିଜ୍ଞପ୍ତି

ନୂଆଦିଲ୍ଲୀ: ଦିଲ୍ଲୀ ମହିଳା ଏବଂ ଶିଶୁ ବିକାଶ ବିଭାଗ (ଡବ୍ଲୁସିଡି) ‘ମିଶନ ବାତ୍ସଲ୍ୟ’ ଯୋଜନା ଅଧୀନରେ ବିଭିନ୍ନ ପଦବି ପାଇଁ ଏକ ନିଯୁକ୍ତି ଅଭିଯାନ ଆରମ୍ଭ କରିଛି। ଏହି ଅଭିଯାନ ଦ୍ୱାଦଶ ଶ୍ରେଣୀ ପାସ ଠାରୁ ଆରମ୍ଭ କରି ସ୍ନାତକ, ସ୍ନାତକୋତ୍ତର ଏବଂ ଏଲଏଲବି ଡିଗ୍ରି ଥିବା ପ୍ରାର୍ଥୀମାନେ ଜୁନ୍ ୨୬ ପର୍ଯ୍ୟନ୍ତ ଅନଲାଇନରେ ଆବେଦନ କରିପାରିବେ।

ବିଭାଗ ଦ୍ୱାରା ଜାରି କରାଯାଇଥିବା ବିଜ୍ଞପ୍ତି ଅନୁଯାୟୀ, ଏହି ନିଯୁକ୍ତି ଏକ ବର୍ଷର ଚୁକ୍ତିନାମା ଉପରେ ଆଧାରିତ। ପୁରଣ ହେବାକୁ ଥିବା ପଦବିଗୁଡ଼ିକ ମଧ୍ୟରେ ପ୍ରୋଗ୍ରାମ ଅଫିସର, ଜିଲ୍ଲା ଶିଶୁ ସୁରକ୍ଷା ଅଧିକାରୀ, ସୁରକ୍ଷା ଅଧିକାରୀ, ଲିଗାଲ୍ କମ-ପ୍ରୋବେସନ ଅଫିସର, କାଉନସଲର, ସାମାଜିକ କର୍ମୀ, ଆକାଉଣ୍ଟାଣ୍ଟ, ଡାଟା ଆନାଲିଷ୍ଟ, ଡାଟା ଏଣ୍ଟ୍ରି ଅପରେଟର ଏବଂ ଆଉଟରିଚ୍ ୱାର୍କର ଅନ୍ତର୍ଭୁକ୍ତ ରହିଛି।

ଏହି ନିଯୁକ୍ତି ଅଭିଯାନରେ ବିଭିନ୍ନ ପଦବି ପାଇଁ ବିଭିନ୍ନ ଯୋଗ୍ୟତା ଧାର୍ଯ୍ୟ କରାଯାଇଛି। କିଛି ପଦବି ପାଇଁ ସାମାଜିକ କାର୍ଯ୍ୟ, ମନସ୍ତତ୍ତ୍ୱ, ସମାଜବିଜ୍ଞାନ କିମ୍ବା ସମ୍ବନ୍ଧିତ ବିଷୟରେ ସ୍ନାତକୋତ୍ତର ଡିଗ୍ରି ବାଧ୍ୟତାମୂଳକ ଥିବା ବେଳେ ଅନ୍ୟମାନଙ୍କ ପାଇଁ ସ୍ନାତକ ଡିଗ୍ରି କିମ୍ବା ଦ୍ୱାଦଶ ଶ୍ରେଣୀ ପାସ କରିଥିବା ଜରୁରି ରହିଛି।

ବୟସ ସୀମା

ଏହି ନିଯୁକ୍ତିରେ ବିଭିନ୍ନ ପଦବି ପାଇଁ ବୟସ ସୀମା ୩୫ ରୁ ୪୦ ବର୍ଷ ପର୍ଯ୍ୟନ୍ତ ଧାର୍ଯ୍ୟ କରାଯାଇଛି। ବିଭିନ୍ନ ପଦବି ପାଇଁ ସମ୍ପୃକ୍ତ କ୍ଷେତ୍ରରେ କାର୍ଯ୍ୟ ଅଭିଜ୍ଞତା ମଧ୍ୟ ଏକ ବାଧ୍ୟତାମୂଳକ ରହିଛି।

ଦରମା କେତେ?

ଚୟନ କରାଯାଇଥିବା ପ୍ରାର୍ଥୀମାନେ ନିର୍ଦ୍ଦିଷ୍ଟ ପଦବି ଉପରେ ନିର୍ଭର କରି ୨୨,୪୧୧ ରୁ ୪୪,୦୨୩ ପର୍ଯ୍ୟନ୍ତ ମାସିକ ଦରମା ପାଇପାରିବେ। ପ୍ରାର୍ଥୀମାନେ ନିଯୁକ୍ତିର ଶେଷ ତାରିଖ ପୂର୍ବରୁ ଆବେଦନ କରିବା ଉଚିତ। ଅଧିକ ବିବରଣୀ ପାଇଁ, ପ୍ରାର୍ଥୀମାନେ ସରକାରୀ ୱେବସାଇଟ୍ wcd.delhi.gov.in  ପରିଦର୍ଶନ କରିପାରିବେ।

ସୌଜନ୍ୟ ସମ୍ବାଦ