Hema malini: ହେମା ମାଲିନୀଙ୍କ ୫୪ ବର୍ଷ ପୁରୁଣା ବଙ୍ଗଳା, ଧର୍ମେନ୍ଦ୍ରଙ୍କ ସ୍ମୃତିରେ ସଜାଯାଇଛି ପ୍ରତ୍ୟେକ କୋଣ

ମୁମ୍ଵାଇ ୨୬।୦୬; ହେମା ମାଳିନୀଙ୍କର ମୁମ୍ବାଇରେ ଏକ ୫୪ ବର୍ଷ ପୁରୁଣା ଘର ଅଛି। ଅଭିନେତ୍ରୀ ଏହାକୁ ତାଙ୍କ ସ୍ୱାମୀ ଧର୍ମେନ୍ଦ୍ରଙ୍କ ସ୍ମୃତିରେ ସଜେଇଛନ୍ତି। ଇଶା ଦେଓଲ ଏହି ଡ୍ରିମ୍ ହୋମର ଟୁର୍ କରାଇଛନ୍ତି।

ଏହି ଘରଟି ବିଶେଷ ଗୁରୁତ୍ୱ ବହନ କରେ। କାରଣ ଏହି ସ୍ଥାନରୁ ହେମା ମାଳିନୀ ଗ୍ଲାମର ସହରରେ ତାଙ୍କର ସ୍ୱପ୍ନ ପୂରଣ କରିବା ପାଇଁ ତାଙ୍କର ଯାତ୍ରା ଆରମ୍ଭ କରିଥିଲେ। ଏହା ତାଙ୍କର ଡ୍ୟାନ୍ସ କ୍ୟାରିଅର, ତାଙ୍କର ଷ୍ଟାରଡମକୁ ବୃଦ୍ଧି ଏବଂ ଧର୍ମେନ୍ଦ୍ରଙ୍କ ସହ ତାଙ୍କର ପ୍ରେମ କାହାଣୀର ସାକ୍ଷୀ ହୋଇଛି।

ଇଶା ଏଠାରେ ତାଙ୍କ ମାଆ, ମାଉସୀ ଏବଂ ପରିବାରର ଅନ୍ୟାନ୍ୟ ସଦସ୍ୟଙ୍କ ସହିତ ରୁହନ୍ତି। ଘରଟି ସଂସ୍କୃତି, କଳା ଏବଂ ଧର୍ମେନ୍ଦ୍ରଙ୍କ ସୁନ୍ଦର ସ୍ମୃତିର ଉପାଦାନ ସହିତ ସଜାଯାଇଛି। ଇଶା କର୍ଲି ଟେଲ୍ସ ନାମ ଚ୍ୟାନେଲକୁ ଘରର ଏକ ଟୁର କରାଇଥିଲେ।

ଘରେ ଶାସ୍ତ୍ରୀୟ ନୃତ୍ୟ ପୋଜ୍ ଚିତ୍ରିତ ଚିତ୍ର ରହିଛି। କାନ୍ଥଗୁଡ଼ିକ ଇଶା, ଆହାନା ଏବଂ ହେମାଙ୍କ ପ୍ରଦର୍ଶନର ଫଟୋଗ୍ରାଫରେ ସଜାଯାଇଛି। ଡ୍ୟାନ୍ସ ଉପରେ ପୁସ୍ତକ ଏବଂ ନଟରାଜଙ୍କ ପ୍ରତିମୂର୍ତ୍ତି ମଧ୍ୟ ପ୍ରଦର୍ଶିତ ହୋଇଛି।

ନୃତ୍ୟ କ୍ଲାସ ପାଇଁ ଏକ କୋଠରୀ ଅଛି। ଯେଉଁଠଟାରେ ମେଡିଟେସନ ପାଇଁ କାମ ହୁଏ। ଏହି କୋଠରୀ ପ୍ରାୟ ୩୦ ଜଣ ଏକାଠି ଡ୍ୟାନ୍ସ କରିପାରିବେ। ଏହି କୋଠରୀରେ ଧର୍ମେନ୍ଦ୍ରଙ୍କ ଏକ ବଡ଼ ଫଟୋ ରହିଛି। ଇଶା ତାଙ୍କ ବାପାଙ୍କ ବିଷୟରେ କହିବା ସମୟରେ ଭାବପ୍ରବଣ ହୋଇଯାଆନ୍ତି।

ହେମା ମାଳିନୀ ତାଙ୍କ ସ୍ୱାମୀ ଏବଂ ପିଲାମାନଙ୍କ ସହିତ ପରିବାର ଫଟୋରେ ପରିପୂର୍ଣ୍ଣ ଏକ ଅଫିସ୍ ରୁମ୍ ଅଛି। ଏଭଳି ଏକ ପେଟିଂ ଅଛି ଧର୍ମେନ୍ଦ୍ର ଏବଂ ହେମାଙ୍କ ଫଟୋ ସୂତାରେ ପ୍ରସ୍ତୁତ ହୋଇଛି।

ଘରେ ଦୁଇଟି ରୋଷେଇ ଘର ଅଛି। ଯେହେତୁ ହେମା ଆମିଷ ଖାଦ୍ୟ ଖାଆନ୍ତି ନାହିଁ, ତାଙ୍କର ଏକ ଅଲଗା ରୋଷେଇ ଘର ଏବଂ ଜଣେ ରୋଷେଇଆ ଅଛି। ହେମା ଏବଂ ଧର୍ମେନ୍ଦ୍ରଙ୍କ ଫଟୋ ଥିବା ବ୍ୟକ୍ତିଗତ ସୋଫାରେ ରଖାଯାଇଛି।

ଇଶା ପ୍ରକାଶ କରିଛନ୍ତି ଯେ ବର୍ଷ ବର୍ଷ ଧରି ତାଙ୍କ ମାଆ ହେମାଙ୍କ ବଙ୍ଗଳାର କୌଣସି ନାମ ନଥିଲା। ଶେଷରେ ଆଧ୍ୟାତ୍ମିକ ଗୁରୁ ଶ୍ରୀ ଶ୍ରୀ ରବି ଶଙ୍କର ଏହାକୁ ‘ଅଦ୍ବିତୀୟା’ ନାମ ଦେଇଥିଲେ।

ତିନି ମହଲା ବିଶିଷ୍ଟ ବଙ୍ଗଳାରେ ସମସ୍ତଙ୍କ ପାଇଁ ଅଲଗା ଅଲଗା ମହଲା ଅଛି, ତାଙ୍କ ଏବଂ ଆହାନାଙ୍କ ମହଲା ପାଇଁ ଭିତରର ଭିନ୍ନ ଡିଜାଇନ୍ ଅଛି। ଅଭିନେତ୍ରୀ ଦକ୍ଷିଣ ଭାରତୀୟ ଖାଦ୍ୟ ପ୍ରତି ତାଙ୍କର ପ୍ରେମ ବିଷୟରେ ମଧ୍ୟ ଉଲ୍ଲେଖ କରିଛନ୍ତି।

ସୌଜନ୍ୟ Prameya News7