Madhyapradesh: ମଧ୍ୟପ୍ରଦେଶରେ ଡ୍ରେନ୍‌ରେ ଭାସିଗଲା ଭ୍ୟାନ୍‌, ଗୋଟିଏ ପରିବାରର ୯ ମୃତ

ଏହି ଘଟଣା ଆଜି ସାରଙ୍ଗପୁର ନିକଟରେ ପୂର୍ବାହ୍ଣ ପ୍ରାୟ ୯ଟାରେ ଘଟିଛି। ଗାଡ଼ି ଡ୍ରାଇଭର ପାଦନା ବାଇପାସ୍‌ ପୋଲ ଅତିକ୍ରମ କରୁଥିବାବେଳେ ଏହି ଦୁଃଖଦ ଘଟଣା ଘଟିଛି। ପ୍ରତ୍ୟକ୍ଷଦର୍ଶୀଙ୍କ ଅନୁଯାୟୀ ଘଟଣାସ୍ଥଳରେ ଥିବା ଗ୍ରାମବାସୀ ଡ୍ରାଇଭରଙ୍କୁ ଆଗକୁ ଯିବା ପାଇଁ ମନା କରିଥିଲେ। କିନ୍ତୁ ସେ କାହା କଥା ନ ମାନି ଗାଡ଼ି ଚଳାଇଥିଲେ। ବର୍ଷା ଯୋଗୁ ଝିରି ଡ୍ରେନ୍‌ ପାଣି ରାସ୍ତା ଉପରେ ଚାଲିଥିଲା।

ଜଳସ୍ତର ଏତେ ଅଧିକ ଥିଲା ଯେ ଡ୍ରାଇଭର ରାସ୍ତା ଓ ଡ୍ରେନ୍‌ ଚିହ୍ନଟ କରିପାରି ନ ଥିଲେ। ଫଳରେ ଗାଡ଼ିଟିକୁ ସେ ଡ୍ରେନ୍‌ ଭିତରେ ପୂରାଇ ଦେଇଥିଲେ ଏବଂ ଗାଡ଼ିଟି ଭାସିଗଲା। ତୁରନ୍ତ ସ୍ଥାନୀୟ ଲୋକ ଓ ଉଦ୍ଧାରକାରୀ ଦଳ ଉଦ୍ଧାର ଅପରେସନ୍‌ ଆରମ୍ଭ କରିଥିଲେ। ଜଣେ ନାବାଳିକାଙ୍କ ସମେତ ୯ ଜଣଙ୍କ ମର ଶରୀର ଉଦ୍ଧାର କରାଯାଇଛି। ଉକ୍ତ ଘଟଣାରେ ସାରଙ୍ଗପୁର ଥାନାରେ ଏକ ମାମଲା ରୁଜୁ ହୋଇଛି ଏବଂ ଅଧିକ ତଦନ୍ତ ଜାରି ରହିଛି।