Strait of Hormuz: ହର୍ମୁଜ୍କୁ ଆମେରିକାର ଅଞ୍ଚଳ ଘୋଷଣା କରିବା ଯୋଜନାକୁ ଦୋହରାଇଲେ ଟ୍ରମ୍ପ
ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୁଣିଥରେ ହର୍ମୁଜ୍ ପ୍ରଣାଳୀକୁ ଆମେରିକାର ଅଞ୍ଚଳ ଘୋଷଣା କରିବା ତାଙ୍କର ଦାବିକୁ ଦୋହରାଇଛନ୍ତି। ଇରାନ ସହିତ ଜାରି ଉତ୍ତେଜନା ମଧ୍ୟରେ ୱାସିଂଟନର ଏହି ସାମୁଦ୍ରିକ ଜଳପଥ ଉପରେ ସମ୍ପୂର୍ଣ୍ଣ ନିୟନ୍ତ୍ରଣ ରହିଛି ବୋଲି ଟ୍ରମ୍ପ କହିଛନ୍ତି।
ୱାସିଂଟନ: ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୁଣିଥରେ ହର୍ମୁଜ୍ ପ୍ରଣାଳୀକୁ ଆମେରିକାର ଅଞ୍ଚଳ ଘୋଷଣା କରିବା ତାଙ୍କର ଦାବିକୁ ଦୋହରାଇଛନ୍ତି। ଇରାନ ସହିତ ଜାରି ଉତ୍ତେଜନା ମଧ୍ୟରେ ୱାସିଂଟନର ଏହି ସାମୁଦ୍ରିକ ଜଳପଥ ଉପରେ ସମ୍ପୂର୍ଣ୍ଣ ନିୟନ୍ତ୍ରଣ ରହିଛି ବୋଲି ଟ୍ରମ୍ପ କହିଛନ୍ତି। ସାମ୍ବାଦିକମାନଙ୍କ ସହ କଥାବାର୍ତ୍ତା ସମୟରେ, ଟ୍ରମ୍ପ ଇରାନର ଆମେରିକାର ନୌସେନା ଅବରୋଧକୁ ସମର୍ଥନ କରି କହିଛନ୍ତି ଯେ, ଏହି ଅଭିଯାନ ପ୍ରଭାବଶାଳୀ ଥିଲା। ସେ ଏହା ମଧ୍ୟ ଦାବି କରିଛନ୍ତି ଯେ, ହର୍ମୁଜ୍ ପ୍ରଣାଳୀ ଖୋଲା ରହିଛି ଏବଂ ତୈଳ ମୂଲ୍ୟ ହ୍ରାସ ପାଉଛି। ଇରାନ ବଡ଼ ସଙ୍କଟରେ ଅଛି। ଦେଶର ମୁଦ୍ରାସ୍ଫୀତି ୩୦୦ ପ୍ରତିଶତ ରହିଛି।
ସମ୍ଭାବ୍ୟ ପ୍ରଭାବ ଉପରେ ଚିନ୍ତା
ଏହା ସହ ଇରାନ ଅବ୍ୟବସ୍ଥା ଦେଇ ଗତି କରୁଛି। ଦେଶର ସାମରିକ ବାହିନୀ ସମ୍ପୂର୍ଣ୍ଣ ଭାବରେ ପରାଜିତ ହୋଇଥିବା ଟ୍ରମ୍ପ କହିଛନ୍ତି। ମୁଁ ଭାବୁଛି ହର୍ମୁଜ୍କୁ ଦଖଲ କରିବା ଏକ ଭଲ ଚିନ୍ତାଧାରା। ଏଭଳି ଚିନ୍ତା ଧାରା ମୋତେ ପସନ୍ଦ। ଆମର ପ୍ରଣାଳୀ ଉପରେ ସମ୍ପୂର୍ଣ୍ଣ ନିୟନ୍ତ୍ରଣ ଅଛି ବୋଲି ଟ୍ରମ୍ପ କହିଛନ୍ତି। ଇରାନ ଜଳପଥରେ ମାଇନ୍ସ ରଖି ଜାହାଜ ଚଳାଚଳ ପାଇଁ ବିପଦ ସୃଷ୍ଟି କରିପାରେ। ମାସ ମାସ ଧରି ବୃଦ୍ଧି ପାଉଥିବା ଉତ୍ତେଜନା ଏବଂ ପରିବହନରେ ବାଧା ଆନ୍ତର୍ଜାତୀୟ ଶକ୍ତି ବଜାରକୁ ଗୁରୁତର ଭାବରେ ପ୍ରଭାବିତ କରିଛି, ଯାହା ଫଳରେ ବିଶ୍ୱରେ ଅଶୋଧିତ ତେଲର ମୂଲ୍ୟ ବୃଦ୍ଧି ପାଇଛି ଏବଂ ବାଣିଜ୍ୟିକ ନୌବାହିନୀ ଅପରେଟରମାନଙ୍କ ପାଇଁ ଯୁଦ୍ଧ-ବିପଦ ବୀମା ପ୍ରିମିୟମ ବୃଦ୍ଧି ପାଇଛି। ହ୍ରାସ ପାଇଥିବା ଯାତାୟାତ ବିଶ୍ୱବ୍ୟାପୀ ଶକ୍ତି ଯୋଗାଣରେ ବାଧା ଏବଂ ତୈଳ ମୂଲ୍ୟ ଉପରେ ସମ୍ଭାବ୍ୟ ପ୍ରଭାବ ଉପରେ ଚିନ୍ତା ବଢ଼ାଇଛି।
ଟ୍ରମ୍ପ ହର୍ମୁଜ୍ ପ୍ରଣାଳୀର ନିୟନ୍ତ୍ରଣ ପାଇଁ ତେହେରାନ ସହିତ ଏକ ଚୁକ୍ତିରେ ସାମିଲ ହେବା ବିରୋଧରେ ଓମାନକୁ ଚେତାବନୀ ଦେଇ କହିଛନ୍ତି ଯେ, ଯଦି ମସ୍କାଟ ରଣନୈତିକ ଜଳପଥ ଉପରେ ୱାସିଂଟନର ସ୍ଥିତିରେ ହସ୍ତକ୍ଷେପ କରିବ ତେବେ ଆମେରିକା ବୋମାମାଡ଼ କରିବ।
ସୌଜନ୍ୟ ସମ୍ବାଦ
