High Court: ମୁଖ୍ୟମନ୍ତ୍ରୀ ମାନ୍‌ଙ୍କ କାର୍ଯ୍ୟାଳୟ ବିରୋଧରେ ଦୁର୍ନୀତି ଅଭିଯୋଗ : ସିବିଆଇ ତଦନ୍ତ ନିର୍ଦ୍ଦେଶ ଦେଲେ ହାଇକୋର୍ଟ

ଇଡି ପକ୍ଷରୁ ବରିଷ୍ଠ ପୁଲିସ ଅଧିକାରୀଙ୍କୁ ତିନୋଟି ଚିଠି ଲେଖାଯାଇ ପଞ୍ଜାବରେ ସରକାରୀ ବଦଳି ଓ ନିଯୁକ୍ତି, ଜମି ବ୍ୟବହାର ପରିବର୍ତ୍ତନ (ସିଏଲୟୁ) ମାମଲା ଏବଂ ଅନ୍ୟାନ୍ୟ କାର୍ଯ୍ୟରେ ବ୍ୟାପକ ଦୁର୍ନୀତି ହେଉଥିବା ଅଭିଯୋଗ କରାଯାଇଥିଲା। ଏହି ସଙ୍ଗିନ ଅଭିଯୋଗରେସଂସ୍ଥାପକ୍ଷରୁ ମୁଖ୍ୟମନ୍ତ୍ରୀ ଭଗବନ୍ତ ମାନ୍‌ଙ୍କ ଓଏସ୍‌ଡି ରାଜବୀର ଘୁମାନଙ୍କ ସମେତ ଅନେକ ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରାଯାଇଥିଲା।

ଏକ ହାଉସିଂ ସୋସାଇଟି ସହ ଜଡ଼ିତ ମନି ଲଣ୍ଡରିଂ ମାମଲା ଏବଂ ସିଏଲୟୁ ଅନୁମତି ପାଇଁ ହୋଇଥିବା ଅନିୟମିତତାର ଇଡି ତଦନ୍ତ ସମୟରେ ଏହି ଦୁର୍ନୀତିର ପର୍ଦ୍ଦାଫାସ ହୋଇଥିଲା। ଏହି ପ୍ରକ୍ରିୟାରେ ନକଲି ସମ୍ମତିପତ୍ରର ବ୍ୟବହାର କରାଯାଇଥିବା ଏବଂ ପଞ୍ଜାବ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସହ ଜଡ଼ିତ ବ୍ୟକ୍ତିଙ୍କର ଏଥିରେ ଭୂମିକା ଥିବା ନେଇ କେନ୍ଦ୍ରୀୟ ସଂସ୍ଥା ଦର୍ଶାଇଥିଲା। ପଞ୍ଜାବ ଡିଜିପିଙ୍କୁ ଦିଆଯାଇଥିବା ସୂଚନା ମୁତାବକ, ବେସରକାରୀ ବ୍ୟକ୍ତିଙ୍କର ଏକ ବଡ଼ ନେଟୱର୍କ ସରକାରୀ ପ୍ରକ୍ରିୟା ତଥା ବଦଳି ଓ ନିଯୁକ୍ତିକୁ ପ୍ରଭାବିତ କରୁଥିଲା।