Drone Attack: ଏହା ଅଗ୍ରହଣୀୟ ନୁହେଁ: କୃଷ୍ଣସାଗରରେ ରୁଷିଆ ଆକ୍ରମଣରେ ଆହତ ଭାରତୀୟ ନାବିକଙ୍କୁ ନେଇ ଭାରତର କଡ଼ା ପ୍ରତିକ୍ରିୟା

କିଭ: ରୋମାନିଆର ଜଳସୀମା ନିକଟ କୃଷ୍ଣସାଗରରେ ଏକ ତୁର୍କୀ ନାଗରିକ ମାଲବାହୀ ଜାହାଜ ଉପରେ ରୁଷିଆ ଡ୍ରୋନ୍ ଆକ୍ରମଣରେ ଦୁଇ ଜଣ କ୍ରୁ ସଦସ୍ୟଙ୍କ ମୃତ୍ୟୁ ଘଟିଛି ଏବଂ ଜଣେ ଭାରତୀୟଙ୍କ ସମେତ ୧୧ ଆହତ ହୋଇଛନ୍ତି। ଭାରତ ଏହି ଘଟଣାରେ ପ୍ରତିକ୍ରିୟା ପ୍ରକାଶ କରିଛି। ରୋମାନିଆରେ ଥିବା ଭାରତୀୟ ଦୂତାବାସ ସୋସିଆଲ ମିଡିଆ ଏକ୍ସରେ ଏକ ପୋଷ୍ଟରେ କହିଛି ଯେ, ଡ୍ରୋନ୍ ଆକ୍ରମଣ ଯୋଗୁଁ ଜାହାଜରେ ନିଆଁ ଲାଗିବା ସମୟରେ କ୍ରୁରେ ତିନି ଜଣ ଭାରତୀୟ ନାଗରିକ ଥିଲେ ଏବଂ ସେମାନଙ୍କ ମଧ୍ୟରୁ ଜଣେ ଆହତ ହୋଇଥିଲେ। ତାଙ୍କର ଚିକିତ୍ସା ଚାଲିଛି।

ଦୂତାବାସ କହିଛି, କୃଷ୍ଣ ସାଗରରେ ବାଣିଜ୍ୟିକ ଜାହାଜ ଏମଭି ରୋୟାଡ ମାମାଡୋଭ୍ ଉପରେ ଆକ୍ରମଣ ହୋଇଛି। ପ୍ରାରମ୍ଭିକ ସୂଚନା ଅନୁଯାୟୀ, ଦୁଇ ଜଣ ବିଦେଶୀ ନାଗରିକଙ୍କ ମୃତ୍ୟୁ ଘଟିଛି। ଆହତ କ୍ରୁ ସଦସ୍ୟ ରୋମାନିଆରେ ଚିକିତ୍ସାଧୀନ ଅଛନ୍ତି। ଭାରତୀୟ ନାଗରିକଙ୍କ ସୁରକ୍ଷା ଏବଂ କଲ୍ୟାଣ ବିଷୟରେ ଅଧିକ ସୂଚନା ପାଇବା ପାଇଁ ମିଶନ ସମ୍ପୃକ୍ତ କର୍ତ୍ତୃପକ୍ଷଙ୍କ ସହ ନିରନ୍ତର ଯୋଗାଯୋଗରେ ଅଛି।

ପ୍ରତିକ୍ରିୟା ପ୍ରକାଶ କରିଛି ଭାରତ

ଦୂତାବାସ କହିଛି ଯେ, ଭାରତୀୟ ରାଷ୍ଟ୍ରଦୂତ ମନୋଜ ମହାପାତ୍ର ମାଲବାହୀ ଜାହାଜରେ ଥିବା ଭାରତୀୟ ନାଗରିକଙ୍କ ସହ କଥା ହୋଇଛନ୍ତି ଏବଂ ତିନିଜଣ ସୁସ୍ଥ ଅଛନ୍ତି ବୋଲି ନିଶ୍ଚିତ କରିଛନ୍ତି। ସେ କନଷ୍ଟାଣ୍ଟା କାଉଣ୍ଟି ହସ୍ପିଟାଲରେ ଚିକିତ୍ସାଧୀନ ଭାରତୀୟ ନାଗରିକଙ୍କ ସହ କଥା ହୋଇଛନ୍ତି। ସେ ହସ୍ପିଟାଲର ମୁଖ୍ୟ ଡାକ୍ତରଙ୍କ ସହ ମଧ୍ୟ କଥା ହୋଇଛନ୍ତି। ଡାକ୍ତର ନିଶ୍ଚିତ କରିଛନ୍ତି ଯେ, ତିନିଜଣ ସୁସ୍ଥ ଅଛନ୍ତି।

ରାଷ୍ଟ୍ରଦୂତ ସେମାନଙ୍କୁ ସମସ୍ତ ପ୍ରକାରର ସାହାଯ୍ୟ ଏବଂ ସମର୍ଥନର ପ୍ରତିଶ୍ରୁତି ଦେଇଛନ୍ତି ବୋଲି ମିଶନ କହିଛି। ଆହତ ନାବିକଙ୍କ ଅବସ୍ଥା ବିଷୟରେ ଖବର ଜାଣିବା ପାଇଁ ହସ୍ପିଟାଲ କର୍ତ୍ତୃପକ୍ଷଙ୍କ ସହ ଯୋଗାଯୋଗ କରାଯାଇଛି।ମାଲବାହୀ ଜାହାଜ ଉପରେ ରୁଷର ଆକ୍ରମଣ ରିପୋର୍ଟର ଜବାବ ଦେଇ ଭାରତ କହିଛି ଯେ ଏଭଳି ଆକ୍ରମଣ ସଗ୍ରହଣୀୟ ନୁହେଁ।

ବେସାମରିକ ଜାହାଜ ଉପରେ ଆକ୍ରମଣ

ବୈଦେଶିକ ମନ୍ତ୍ରୀ ଏସ. ଜୟଶଙ୍କର କହିଛନ୍ତି, ଭାରତ କେବଳ ଆଗକୁ ଯାଇ କିଭ୍ ଏବଂ ମସ୍କୋ ସହିତ ଆଲୋଚନା କରି ସାମ୍ପ୍ରତିକ ମାସଗୁଡ଼ିକରେ ୟୁକ୍ରେନ ସଙ୍କଟର ସମାଧାନ ପାଇଁ ପ୍ରୟାସ କରୁଛି। କୃଷ୍ଣ ସାଗରରୁ ଉପସାଗର ଅଞ୍ଚଳକୁ ଯାଉଥିବା ବେସାମରିକ ଜାହାଜ ଉପରେ ଆକ୍ରମଣ ଠିକ୍ ନୁହେଁ। ଜାତିସଂଘରେ ଏକ ଅଚଳାବସ୍ଥା ରହିଛି ଏବଂ କିଛି ଦେଶ ଏହାର ସଂସ୍କାରକୁ ବିରୋଧ କରୁଛନ୍ତି। ଆମେ ବିଶ୍ୱାସ କରୁଛୁ ଯେ ରୁଷ-ୟୁକ୍ରେନ ବିବାଦର ସମାଧାନ ଆଲୋଚନା ଏବଂ କୂଟନୀତି ମାଧ୍ୟମରେ ହୋଇପାରିବ।

ୟୁକ୍ରେନୀୟ ରାଷ୍ଟ୍ରପତି ଭୋଲୋଡିମିର ଜେଲେନ୍ସକିଙ୍କ ଅନୁଯାୟୀ, ରୁଷ ଆକ୍ରମଣ ସମୟରେ ଜାହାଜରେ ଆଜରବୈଜାନୀ ଏବଂ ଭାରତୀୟ ନାଗରିକ ଥିଲେ। ତେବେ ମୃତକଙ୍କ ଜାତୀୟତା ଜଣାପଡ଼ି ନାହିଁ। ୟୁକ୍ରେନ୍ ବାରମ୍ବାର ପରିସ୍ଥିତିକୁ ଶାନ୍ତ କରିବା ଏବଂ କୃଷ୍ଣସାଗରରେ ସୁରକ୍ଷା ସୁନିଶ୍ଚିତ କରିବା ପାଇଁ ଦୃଢ଼ ପଦକ୍ଷେପ ନେବାକୁ ପ୍ରସ୍ତାବ ଦେଇଛି। ବିଶ୍ୱ ଖାଦ୍ୟ ସୁରକ୍ଷା ପୁନଃସ୍ଥାପନ କରିବା ପାଇଁ ଚାପ ପ୍ରୟୋଗର ଆବଶ୍ୟକତା ରହିଛି।

ସୌଜନ୍ୟ ସମ୍ବାଦ