Minor Abuse Case: ସୁନ୍ଦରଗଡ଼ରେ ନାବାଳିକାଙ୍କୁ ଅସଦାଚରଣ ମାମଲା: ଦୋଷୀଙ୍କୁ ୩ ବର୍ଷ ସଶ୍ରମ କାରାଦଣ୍ଡ

ମାମଲାର ବିବରଣୀ ଅନୁସାରେ, ୨୦୨୦ ନଭେମ୍ବର ୧୬ ଅପରାହ୍‌ଣ ୨ଟାରେ ଘରେ ନାବାଳିକା ଏକା ଶୋଇଥିଲେ। ଘରର ଅନ୍ୟ ସଦସ୍ୟମାନେ ଧାନ କାଟିବାକୁ କ୍ଷେତକୁ ଯାଇଥିଲେ। ଏହି ସମୟରେ କୃଷ୍ଣ ମୁଣ୍ଡା ତାଙ୍କ ଘରେ ପଶି ମନ୍ଦ ଉଦ୍ଦେଶ୍ୟ ରଖି ଟଣାଓଟରା କରିବା ସହ ନାବାଳିକାଙ୍କ ପୋଷାକ ଚିରି ଠେଲି ଦେଇଥିଲେ। ନାବାଳିକା ତଳେ ପଡ଼ି ଆହତ ହୋଇଥିଲେ। ଏହା ପରେ ସେ ପାଟି କରିବାକୁ ଉଦ୍ୟମ କଲବେଳେ କୃଷ୍ଣ ମୁହଁକୁ ଚାପି ଦେବା ସହ କାହାକୁ ଘଟଣା ସମ୍ପର୍କରେ କହିଲେ ଜୀବନରେ ମାରିଦେବାର ଧମକ ଦେଇଥିଲେ। ତା’ଠାରୁ କୌଣସି ମତେ ଛଡ଼େଇ ହୋଇ ନାବାଳିକା ଘର ବାହାରକୁ ଚାଲି ଆସି ପଡ଼ା ଲୋକଙ୍କୁ କହିଥିଲେ। ପଡ଼ା ଲୋକେ ତାଙ୍କୁ କାବୁ କରିବାକୁ ଚେଷ୍ଟା କରିବାରୁ ସେମାନଙ୍କୁ ମଧ୍ୟ କୃଷ୍ଣ ଗାଳିଗୁଲଜ କରିବା ସହ ଆକ୍ରମଣର ଧମକ ଦେଇ ପଳାଇ ଯାଇଥିଲା।