flood: ନେପାଳରେ ପୁଣି ଆକସ୍ମିକ ବନ୍ୟା, ୩୫ରୁ ଅଧିକ ଘର ଓ ସେତୁ ଭାସିଗଲା

ଗୋରଖା ଜିଲ୍ଲାର ଚୁମନୁବ୍ରି ଗ୍ରାମାଞ୍ଚଳରେ ଏହି ବନ୍ୟା ଆସିଛି। ରବିବାର ଭୋର ପ୍ରାୟ ୪ଟାରୁ ନଦୀର ଜଳସ୍ତର ହଠାତ୍ ବଢ଼ିବା ଆରମ୍ଭ କରିଥିଲା। ସକାଳ ୪ଟା ୩୫ ମିନିଟ୍‌ରେ ବଡ଼ ବନ୍ୟା ଆସିଥିବା ସୂଚନା ମିଳିଥିବା ଗୋରଖାର ମୁଖ୍ୟ ଜିଲ୍ଲା ଅଧିକାରୀ କହିଛନ୍ତି। ପ୍ରାଥମିକ ସୂଚନା ଅନୁଯାୟୀ, ଭୂସ୍ଖଳନ ଯୋଗୁଁ ନଦୀର ଜଳପ୍ରବାହ ଅବରୋଧ ହୋଇଥିଲା। ପରେ ଏହି ଅବରୋଧ ଭାଙ୍ଗିଯିବାରୁ ହଠାତ୍ ପ୍ରବଳ ବେଗରେ ଜଳ ତଳମୁଣ୍ଡକୁ ମାଡ଼ି ଆସିଥିବା ଅନୁମାନ କରାଯାଉଛି। ତେବେ ବନ୍ୟାର ପ୍ରକୃତ କାରଣ ଜାଣିବା ପାଇଁ ବୈଷୟିକ ଯାଞ୍ଚ ଚାଲିଛି। ନେପାଳର ଜାତୀୟ ବିପର୍ଯ୍ୟୟ ପ୍ରଶମନ ଓ ପରିଚାଳନା ପ୍ରାଧିକରଣ କହିଛି ଯେ ଏହି ବନ୍ୟା ବର୍ଷା ଯୋଗୁଁ ହୋଇନାହିଁ।