ସ୍ନେକ୍ ପ୍ଲାଣ୍ଟ: ଏହା କମ୍ ଆଲୋକରେ ବଢ଼ିଥାଏ ଏବଂ ସର୍ବନିମ୍ନ ଯତ୍ନ ଲୋଡ଼ିଥାଏ। ସ୍ୱଚ୍ଛ ବାୟୁ ଆବଶ୍ୟକ କରୁଥିବା ବ୍ୟସ୍ତ ଘର ପାଇଁ ଏହା ଏକ ଆଦର୍ଶ ପସନ୍ଦ।
ସ୍ପାଇଡର ପ୍ଲାଣ୍ଟ: ଲମ୍ବା ତଥା ଅଙ୍କାବଙ୍କା ପତ୍ରଧାରୀ ସ୍ପାଇଡର୍ ପ୍ଲାଣ୍ଟ କମ୍ ଆଲୋକରେ ବଢ଼ିଥାଏ। ଏହାର ହାଲୁକା ବାୟୁ-ବିଶୁଦ୍ଧୀକରଣ କ୍ଷମତା ଉଚ୍ଚ ଏକ୍ୟୁଆଇ ମୁକାବିଲା ପାଇଁ ବିଶେଷ ଉପାଦେୟ।
ଆରେକା ପାମ୍: ଆରେକା ପାମ୍ର ନରମ ତଥା ହାଲୁକା ପତ୍ର ଯେକୌଣସି ସ୍ଥାନରେ ମେଲିପାରେ। ଏହା କୋଠରିର ବାୟୁ ଗୁଣବତ୍ତା ଉନ୍ନତ କରିବାରେ ସାହାଯ୍ୟ କରେ।
ପିସ୍ ଲିଲି: ଛାଇଯୁକ୍ତ କୋଣରେ ବଢ଼ୁଥିବା ଏବଂ ନିୟମିତ ପାଣି ଲୋଡୁଥିବା ପିସ୍ ଲିଲି ଗଛର ନରମ ପତ୍ର ବାୟୁକୁ ହାଲୁକା କରିଥାଏ। ଏହା ସତେଜତା ଲୋଡୁଥିବା ଶୟନ କକ୍ଷ କିମ୍ବା ଅଧ୍ୟୟନ କ୍ଷେତ୍ର ପାଇଁ ଉପଯୁକ୍ତ।
ରବର ପ୍ଲାଣ୍ଟ୍: ବଡ଼ ତଥା ଚକଚକିଆ ପତ୍ର ବିଶିଷ୍ଟ ରବର ଗଛ ଆଂଶିକ ଛାଇରେ ବଢ଼ିଥାଏ ଏବଂ ଅଧିକ ଯତ୍ନ ଦରକାର କରି ନଥାଏ। ଏହା କକ୍ଷରେ ତାଜା ଅନୁଭବ ଆଣିଥାଏ।
ଜେଡ୍ଜେଡ୍ ପ୍ଲାଣ୍ଟ: ସର୍ବନିମ୍ନ ସୂର୍ଯ୍ୟକିରଣ ଥିବା କୋଠରି ପାଇଁ ଏହା ଶ୍ରେଷ୍ଠ ବିକଳ୍ପ। ଏହାର ଘନ, ଚକଚକିଆ ପତ୍ର ଦୀର୍ଘ ସମୟ ତାଜା ରହିଥାଏ। ଅଳ୍ପ
ରକ୍ଷଣାବେକ୍ଷଣ ଲୋଡୁଥିବା ଏହି ଗଛ ସ୍ୱଚ୍ଛ ବାୟୁ ଚାହୁଁଥିବା ଘର ପାଇଁ ଉପଯୁକ୍ତ।
