Karoline leavitt: କାରୋଲିନ ଲେଭିଟ୍: ଟ୍ରମ୍ପଙ୍କ ବିଶ୍ୱସ୍ତ ସହଯୋଗୀ ହ୍ୱାଇଟ୍ ହାଉସ୍ ପ୍ରେସ୍ ସେକ୍ରେଟାରୀ ପଦ ଛାଡ଼ିବେ
କାରୋଲିନ ଲେଭିଟ୍ ଟ୍ରମ୍ପଙ୍କ ବିଶ୍ୱସ୍ତ ସହଯୋଗୀ ହ୍ୱାଇଟ୍ ହାଉସ୍ ପ୍ରେସ୍ ସେକ୍ରେଟାରୀ ପଦ ଛାଡ଼ିବେ । ଲେଭିଟ୍ ଅଗଷ୍ଟ ମାସ ଶେଷ ସୁଦ୍ଧା ନିଜ ପଦରୁ ଇସ୍ତଫା ଦେବେ। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ତାଙ୍କ ‘ଟ୍ରୁଥ ସୋସିଆଲ୍’ ପୋଷ୍ଟ ମାଧ୍ୟମରେ ଏହି ଘୋଷଣା କରିଛନ୍ତି । ୨୮ ବର୍ଷୀୟା କାରୋଲିନ ଲେଭିଟ୍ ହ୍ୱାଇଟ୍ ହାଉସ୍ର ସବୁଠାରୁ କମ୍ ବୟସର ପ୍ରେସ୍ ସେକ୍ରେଟାରୀ ଭାବେ ପରିଚିତ।
ୱାସିଂଟନ୍: କାରୋଲିନ ଲେଭିଟ୍ ଟ୍ରମ୍ପଙ୍କ ବିଶ୍ୱସ୍ତ ସହଯୋଗୀ ହ୍ୱାଇଟ୍ ହାଉସ୍ ପ୍ରେସ୍ ସେକ୍ରେଟାରୀ ପଦ ଛାଡ଼ିବେ। ଲେଭିଟ୍ ଅଗଷ୍ଟ ମାସ ଶେଷ ସୁଦ୍ଧା ନିଜ ପଦରୁ ଇସ୍ତଫା ଦେବେ। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ତାଙ୍କ ‘ଟ୍ରୁଥ ସୋସିଆଲ୍’ ପୋଷ୍ଟ ମାଧ୍ୟମରେ ଏହି ଘୋଷଣା କରିଛନ୍ତି । ୨୮ ବର୍ଷୀୟା କାରୋଲିନ ଲେଭିଟ୍ ହ୍ୱାଇଟ୍ ହାଉସ୍ର ସବୁଠାରୁ କମ୍ ବୟସର ପ୍ରେସ୍ ସେକ୍ରେଟାରୀ ଭାବେ ପରିଚିତ। ପ୍ରେସ୍ ବ୍ରିଫିଂ ସମୟରେ ତାଙ୍କର ତୀକ୍ଷ୍ଣ ଓ ଦ୍ରୁତ ଜବାବ ପାଇଁ ସେ ଚର୍ଚ୍ଚିତ ହୋଇଥିଲେ। ଟ୍ରମ୍ପ ତାଙ୍କ ପୋଷ୍ଟରେ ଲେଭିଟ୍ଙ୍କୁ ନିଜର ସବୁଠାରୁ ବିଶ୍ୱସ୍ତ ସହଯୋଗୀମାନଙ୍କ ମଧ୍ୟରୁ ଜଣେ ବୋଲି କହିଛନ୍ତି। ଲେଭିଟ୍ଙ୍କ ଏହି ନିଷ୍ପତ୍ତିକୁ ସେ ବୁଝୁଛନ୍ତି ଏବଂ ସମ୍ମାନ କରୁଛନ୍ତି ବୋଲି ମଧ୍ୟ ଟ୍ରମ୍ପ କହିଛନ୍ତି।
ପରିବାର ସହିତ ଅଧିକ ସମୟ ବିତାଇବାକୁ ନିଷ୍ପତ୍ତି ଟ୍ରମ୍ପ କହିଛନ୍ତି ଯେ, ଲେଭିଟ୍ ନିଜ ଛୋଟ ପିଲା ଓ ପରିବାର ସହିତ ଅଧିକ ସମୟ ବିତାଇବା ପାଇଁ ପଦ ଛାଡ଼ିବାର ନିଷ୍ପତ୍ତି ନେଇଛନ୍ତି । ଲେଭିଟ୍ ମଧ୍ୟ ଜଣେ ମା’ ଭାବେ ନିଜ ଦାୟିତ୍ୱ ବିଷୟରେ କହିଛନ୍ତି। ଛୋଟ ପିଲାଙ୍କ ଲାଳନପାଳନ ସହିତ ହ୍ୱାଇଟ୍ ହାଉସ୍ର ଏହି କଠିନ ଦାୟିତ୍ୱ ତୁଲାଇବା ତାଙ୍କ ପାଇଁ ଏକାଧାରେ ଫଳପ୍ରଦ ଓ ଚ୍ୟାଲେଞ୍ଜିଂ ଅନୁଭୂତି ଥିଲା ବୋଲି ସେ କହିଛନ୍ତି । ସେ କହିଛନ୍ତି ଯେ, ମା’ ହେବା ସହିତ ଦୁନିଆର ଅତ୍ୟନ୍ତ କଠିନ କାମଗୁଡ଼ିକ ମଧ୍ୟରୁ ଗୋଟିଏ କାମ କରିବା ଏବଂ ନୂଆ ଶିଶୁକୁ ସ୍ୱାଗତ କରିବା ତାଙ୍କ ଜୀବନର ସବୁଠାରୁ ଫଳପ୍ରଦ ଓ ଚ୍ୟାଲେଞ୍ଜିଂ ସମୟ ଥିଲା ।
ସୌଜନ୍ୟ ସମ୍ବାଦ
