Truck Hits Cow: ଗାଈକୁ ଧକ୍କା ଦେଲା ଆଇରନ ବୋଝେଇ ଟ୍ରକ, କ୍ଷତିପୂରଣ ଓ ବେଆଇନ ଟ୍ରକ ଚଳାଚଳ ବନ୍ଦ ଦାବିରେ ରାସ୍ତାରୋକ

ଟ୍ରକ ଚଳାଚଳ ବନ୍ଦକୁ ନେଇ ଦାବି

ପ୍ରଶାସନ ପକ୍ଷରୁ ଏହି ରାସ୍ତାରେ ଟ୍ରକ ଚଳାଚଳ ବନ୍ଦ ପାଇଁ ନିର୍ଦ୍ଦେଶ ଥିଲେ ହେଁ ଟ୍ରକ ଓ କାରଖାନା ମାଲିକମାନେ ମନମୁଖୀ ଭାବେ ଅମାନିଆ ହୋଇ ଟ୍ରକ ଚଳାଉଛନ୍ତି। ଡ୍ରାଇଭରମାନେ ନିଶାସକ୍ତ ହୋଇ ଦ୍ରୁତ ଗତିରେ ଗାଡ଼ି ଚଳାଉଛନ୍ତି। ବାଂଶପାଳ ବ୍ଲକର ଏହି ରାସ୍ତା ମୁଖ୍ୟ ରାସ୍ତା ଥିବା ବେଳେ ବ୍ଲକ ବାସି, ସ୍କୁଲ, କଲେଜ ଛାତ୍ରଛାତ୍ରୀ ଏହି ରାସ୍ତାରେ ଅସୁରକ୍ଷିତ ଭାବେ ଯାତାୟତ କରୁଛନ୍ତି। ଯାହା ଫଳରେ ଆଜି ସ୍ଥାନୀୟ ଲୋକେ ଉତ୍ୟକ୍ତ ହୋଇ ଦଁଅଳା ଠାରେ ରାସ୍ତା ଅବରୋଧ କରିଛନ୍ତି। ପ୍ରଶାସନ ନିକଟରେ ବାରମ୍ବାର ଦାବି କରୁଥିବା ସତ୍ୱେ ଟ୍ରକ ଚଳାଚଳ ବନ୍ଦ ହେଉନାହିଁ। ଏଣୁ ଉତ୍ତ୍ୟକ୍ତ ଲୋକେ ଗାଈର କ୍ଷତିପୂରଣ ପ୍ରଦାନ ସହିତ ଏହି ରାସ୍ତାରେ ବେଆଇନ ଟ୍ରକ ଚଳାଚଳ ସମ୍ପୂର୍ଣ୍ଣ ବନ୍ଦ ଦାବିରେ ସକାଳୁ ରାସ୍ତା ଅବରୋଧ କରିଛନ୍ତି। ରାସ୍ତାରେ ଯାତାୟତ ଠପ ହୋଇଯାଇଛି। ରାସ୍ତାର ଉଭୟ ପାର୍ଶ୍ଵରେ ହଜାର ହଜାର ଆଇରନ ଟ୍ରକ ଅଟକି ରହିଛି।