ଫିଫା ଫ୍ରେଣ୍ଡଲି: ରୁଷିଆଠାରୁ ପୁଣି ହାରିଲେ ଭାରତୀୟ ମହିଳା

ଉଭୟାର୍ଦ୍ଧରେ ଭାରତୀୟ ଗୋଲି ଭାବେ ବଦଳ କରି ଖେଳିଥିବା ମୋନାଲିସା ଦେବୀ ଓ ନନ୍ଦିନୀ ଉପରୋକ୍ତ ୮ ଗୋଲ୍‌ ବରଣ କରିଥିଲେ। ଓଡ଼ିଆ ଝିଅ ଜୁଲି କିଶାନ ଷ୍ଟାର୍ଟିଂ ଏକାଦଶରୁ‌ ଖେଳିଥିବାବେଳେ ଯଶୋଦା ମୁଣ୍ଡା ଓ ମାଳତୀ ମୁଣ୍ଡା ବଦଳ ଖେଳାଳି ଭାବେ ସୁଯୋଗ ପାଇଥିଲେ। ରୁଷିଆ ପକ୍ଷରୁ ଡାରିନା, ନତାଲିଆ ଦୁଇଟି ଲେଖାଏଁ ଏବଂ ମାରିନ୍‌, ଡାଏନା, ଏଲିଜାବେଥ  ଗୋଟିଏ ଲେଖାଏଁ ଗୋଲ୍ ଦେଇଥିଲେ। ଫଳରେ କୋଲକାତାରେ ପୁରୁଷ ଦଳ ଭଳି ମହିଳା ଦଳ ମଧ୍ୟ ଡବଲ୍‌ ପରାଜୟର ଲଜ୍ଜା ବରଣ କରିଛି। ପୂର୍ବରୁ ପୁରୁଷ ଦଳ ବ୍ରାଜିଲ୍‌ ଓ ଉରୁଗୁଏ ବିପକ୍ଷରେ ଖେଳିଥିବା ଅନ୍ତର୍ଜାତୀୟ ଫ୍ରେଣ୍ଡଲିରେ ହାରିଯାଇଥିଲେ।