Black magic rape case ଝଡ଼ାଫୁଙ୍କା ଆଳରେ କଲେଜ ଛାତ୍ରୀଙ୍କୁ ଦୁଷ୍କର୍ମ, ଗୁଣିଆ ଗିରଫ

ଅଭିଯୋଗ ଅନୁସାରେ, ମୟୁରଭଞ୍ଜ ଜିଲ୍ଲା ତିରିଂ ଥାନା ତଥା ଝରାଡିହି ଫାଣ୍ଡି ଅନ୍ତର୍ଗତ ଦଲସରା ଅଞ୍ଚଳର ଗୁଣିଆ ରାଧୁ କିସ୍କୁ (୪୦) ଝଡ଼ାଫୁଙ୍କା କରି  ଜୀବିକା ଅର୍ଜନ କରନ୍ତି। ଝରାଡିହି ଅଞ୍ଚଳର ଜଣେ ବ୍ୟକ୍ତି ଅନେକ ଦିନ ଧରି ଅସୁସ୍ଥ ଥିଲେ। ବିଭିନ୍ନ  ଚିକିତ୍ସାଳୟ ବୁଲିବା ଓ ଡାକ୍ତର, କବିରାଜଙ୍କ ପରାମର୍ଶରେ ଔଷଧ ଖାଇବା ପରେ ମଧ୍ୟ ସେ ସୁସ୍ଥ ହେଉନଥିଲେ। ତାଙ୍କ ୧୯ ବର୍ଷୀୟ କଲେଜ୍ ପଢୁଆ ଝିଅଙ୍କ ଆଧୁନିକ ଓ ପାରମ୍ପରିକ ଆୟୁର୍ବେଦ ଚିକିତ୍ସା ଉପରେ ଭରସା ତୁଟିଥିଲା। ଶେଷରେ କିଛି ଲୋକଙ୍କ କଥାରେ  ଗୁଣିଆ ରାଧୁ କିସ୍କୁଙ୍କ ନିକଟକୁ ନେଇଥିଲେ ।

ବାପାଙ୍କ ଶରୀର ଅସୁସ୍ଥ ହେବା ପଛରେ ପୀଡ଼ିତାଙ୍କ ଦେହରେ ଲାଗିଥିବା ଭୁତ ଆଦିରୁ ହେଉଛି ବୋଲି କହିଥିଲେ। ଏଥିପାଇଁ ଝଡ଼ାଫୁଙ୍କା କଲେ ଅସୁସ୍ଥ ବ୍ୟକ୍ତି ସୁସ୍ଥ ହୋଇଯିବେ ବୋଲି ଦର୍ଶାଇ ଛାତ୍ରୀଙ୍କୁ ଏକ ପ୍ରକୋଷ୍ଠ ଭିତରକୁ ନେଇଥିଲେ। ସେଠାରେ ବଳପୂର୍ବକ ଅସଦାଚରଣ କରିଥିଲେ। ଏନେଇ  କାହାକୁ କହିଲେ ତାଙ୍କ ବାପା ସୁସ୍ଥ ହେବେ ନାହିଁ ବୋଲି ଭୟଭୀତ କରାଇଥିଲେ ।