CDPO Arrested for Bribe ଗାଡ଼ି ଭଡ଼ା ବକୟା ପୈଠ ପାଇଁ ନେଉଥିଲେ ୫ ହଜାର ଟଙ୍କା ଲାଞ୍ଚ, ଧରାପଡ଼ିଲେ ସିଡିପିଓ

ଅଭିଯୁକ୍ତ ମଧୁସ୍ମିତା ମହାନ୍ତି ସମ୍ପ୍ରତି ଉଭୟ ବାଲେଶ୍ବର ସଦର ଓ ବାଲେଶ୍ବର ପୌରାଞ୍ଚଳର ସିଡିପିଓ ଭାବେ ଦାୟିତ୍ବ ତୁଲାଉଛନ୍ତି। ଅଭିଯୋଗକାରୀଙ୍କ ଗାଡ଼ି ବାଲେଶ୍ବର ପୌର ପରିଷଦ ଅଞ୍ଚଳରେ ସିଡିପିଓ କାର୍ଯ୍ୟାଳୟରେ ୨୦୨୪ରୁ ନିୟୋଜିତ ହୋଇଥିଲା। ଗତ କିଛି ଦିନ ପୂର୍ବେ ସେ  ଗାଡ଼ିର ଜୁନ୍‌ ଓ ଜୁଲାଇ ୨୦୨୬ର ଭଡ଼ା ବାବଦକୁ ୨୬୦୦୦ଟଙ୍କା ବକୟା ପୈଠ କରିବା ନିମନ୍ତେ ଆବେଦନ କରିଥିଲେ। ତେବେ  ସିଡିପିଓ ମହାନ୍ତି ଏହା ଦେବା ନିମନ୍ତେ ଟାଳଟୁଳ ନୀତି ଧରୁଥିଲେ। ବିଲ୍‌ ପାସ୍‌ କରାଇବା ନିମନ୍ତେ ୫ ହଜାର ଟଙ୍କା ଲାଞ୍ଚ ମାଗିଥିଲେ।  ଶେଷରେ ନିରୁପାୟ ହୋଇ ଅଭିଯୋଗକାରୀ ଭିଜିଲାନ୍‌ସର ଦ୍ବାରସ୍ଥ ହୋଇଥିଲେ।

ଆଜି ମାଗିଥିବା ଲାଞ୍ଚ ଟଙ୍କା ଅଭିଯୋଗକାରୀଙ୍କ ନିକଟରୁ ଗ୍ରହଣ କରିବା ବେଳେ ଭିଜିଲାନ୍‌ସ ଟିମ୍‌ ସିଡିପିଓ ମହାନ୍ତିଙ୍କୁ ରଙ୍ଗେହାତ ଧରିଥିଲା। ଏହାପରେ ସିଡିପିଓଙ୍କ ଘର ଓ ସରକାରୀ କାର୍ଯ୍ୟାଳୟରେ ଏକକାଳୀନ ଚଢ଼ାଉ କରାଯାଇଛି। ଆୟବହିର୍ଭୁତ ସମ୍ପତ୍ତି ଠୁଳର ସମ୍ପର୍କରେ ଅନୁସନ୍ଧାନ କରାଯାଉଛି।