Cyclone ‘Arnab’: ବାତ୍ୟା ‘ଅର୍ଣ୍ଣବ’: ୩ ଫୁଟ ଖାଲି ହେବ ହୀରାକୁଦ, ୩୧ରୁ ନଭେମ୍ବର ୧ ମଧ୍ୟରେ ପହଞ୍ଚିପାରେ ଛତିଶଗଡ଼ର ବର୍ଷା ପାଣି

ଏହି ସମୟରେ ବିଭିନ୍ନ ମାର୍ଗ ଦେଇ ହାରାହାରି ୩୫,୩୨୪ କ୍ୟୁସେକ୍‌ ପାଣି ନିଷ୍କାସିତ ହେଉଥିଲା। ଗତବର୍ଷ ଏହି ସମୟରେ ହୀରାକୁଦର ଜଳସ୍ତର ୬୨୯.୧୦ ଫୁଟ ରହିଥିଲା। ‘ଅର୍ଣ୍ଣବ’ ପ୍ରଭାବରେ ଛତିଶଗଡ଼ରେ ପ୍ରବଳରୁ ଅତି ପ୍ରବଳ ବର୍ଷାର ପୂର୍ବାନୁମାନ କରିଛି ଆଇଏମ୍‌ଡି। ହୀରାକୁଦ ଜଳଭଣ୍ଡାର ଉପରମୁଣ୍ଡ ବିଳାସପୁର, କୋରବା, ରାୟପୁର, ରାୟଗଡ଼ ସିଓନାଥରେ ପ୍ରବଳ ବର୍ଷା ହେବାକୁ ଥିବାରୁ ହୀରାକୁଦ ଜଳଭଣ୍ଡାରକୁ ଜଳପ୍ରବାହ ବୃଦ୍ଧି ପାଇବା ଆଶଙ୍କା ରହିଛି। ଯାହା ଓଡ଼ିଶାକୁ ପ୍ରଭାବିତ କରିବ। ୨୮ରୁ ୨୯ ତାରିଖ ପର୍ଯ୍ୟନ୍ତ ସମ୍ବଲପୁର ପାଇଁ ୟେଲୋ ୱାର୍ଣ୍ଣିଂ ରହିଛି। ଏହାକୁ ଦୃଷ୍ଟିରେ ରଖି ହୀରାକୁଦ ଜଳଭଣ୍ଡାରର ଜଳ ପରିଚାଳନା ଗୁରୁତ୍ବପୂର୍ଣ୍ଣ ହୋଇପଡ଼ିଛି। ମୁଖ୍ୟଯନ୍ତ୍ରୀ ଇଂ. ଚୌଧୁରୀ କହିଛନ୍ତି, ଛତିଶଗଡ଼ ବର୍ଷା ପାଣି ଏଠାରେ ପହଞ୍ଚିବା ପାଇଁ ୩୧ରୁ ୧ ତାରିଖ ପର୍ଯ୍ୟନ୍ତ ସମୟ ଲାଗିବ। ଏହାକୁ ଦୃଷ୍ଟିରେ ରଖି ଜଳସ୍ତରକୁ କମ୍‌ ରଖାଯାଉଛି। ଯାହାଫଳରେ ଉପରମୁଣ୍ଡରୁ ପାଣି ପହଞ୍ଚିଲେ ମଧ୍ୟ କୌଣସି ସମସ୍ୟା ହେବନାହିଁ।