Dead: କୋଲକାତା ଘ‌ରେ ବୃଦ୍ଧ ଦମ୍ପତି ମୃତାବସ୍ଥାରେ ଉଦ୍ଧାର

ମୃତଦେହଗୁଡ଼ିକୁ ବ୍ୟବଚ୍ଛେଦ ପାଇଁ ପଠାଯାଇଛି। ପୁଲିସ ଦମ୍ପତିଙ୍କ ଘରେ ପହଞ୍ଚିବା ପରେ ଏକ ହାତଲେଖା ନୋଟ୍‌ ଓ ୧ ଲକ୍ଷ ଟଙ୍କା ଉଦ୍ଧାର କରିଥିଲା। ନୋଟ୍‌ରେ ସେହି ଟଙ୍କା ଶବଦାହ ପାଇଁ ବ୍ୟବହାର କରାଯିବାକୁ ଲେଖା ଯାଇଛି। ଦମ୍ପତିଙ୍କ ସମ୍ପର୍କୀୟ ଓ ପଡ଼ୋଶୀ କହିଛନ୍ତି ଯେ, ସକାଳେ ସେମାନେ ବହୁବାର ଦମ୍ପତିଙ୍କୁ ଡାକିବାକୁ ଚେଷ୍ଟା କରିଥିଲେ। କିନ୍ତୁ କୌଣସି ଜବାବ ନ ମିଳିବାରୁ ସେମାନେ ଝରକାରୁ ଲୋକଟି ମରି ଯାଇଥିବା ଦେଖି ପୁଲିସକୁ ଖବର ଦେଇଥିଲେ। ସମ୍ପର୍କୀୟମାନେ କହିଛନ୍ତି, ଦମ୍ପତିଙ୍କ ଏକମାତ୍ର ପୁଅର ମୃତ୍ୟୁ ପରେ ସେମାନେ ଅବସାଦଗ୍ରସ୍ତ ହୋଇଯାଇଥିଲେ। ଉଭୟ ବିଭିନ୍ନ ରୋଗରେ ପୀଡ଼ିତ ଥିବାବେଳେ ଆର୍ଥିକ ଅବସ୍ଥା ମଧ୍ୟ ଭଲ ନଥିଲା। ପୁଲିସ ଏହି ମୃତ୍ୟୁ ଘଟଣାର ତଦନ୍ତ କରୁଛି।