ନୂଆଦିଲ୍ଲୀ:ମଙ୍ଗଳବାର ଦିନ ସୁପ୍ରିମକୋର୍ଟ ତାଙ୍କ ଆଦେଶରେ ବୁଲା କୁକୁରଙ୍କ ଉପରେ କଠୋର ନିର୍ଦ୍ଦେଶାବଳୀକୁ ବଜାୟ ରଖିଛନ୍ତି। ଏଥିରେ ବନ୍ଧ୍ୟାକରଣ ଏବଂ ଟୀକାକରଣ, ସାର୍ବଜନୀନ ସ୍ଥାନରେ ସେମାନଙ୍କୁ ଖାଇବାକୁ ଦେବା ଉପରେ ନିଷେଧ ଏବଂ ପାଗଳ କୁକୁରଙ୍କ ପାଇଁ ଆଇନଗତ ଇଚ୍ଛାମୃତ୍ୟୁ ଅନ୍ତର୍ଭୁକ୍ତ ରହିଛି। ପିପୁଲ୍ସ ଫର୍ ଆନିମଲ୍ସ ସଂଗଠନର ଅଧ୍ୟକ୍ଷା ଏବଂ ପ୍ରାଣୀ କଲ୍ୟାଣ ସହିତ ଜଡିତ ପୂର୍ବତନ ସାଂସଦ ମାନେକା ଗାନ୍ଧୀ ଏବିସି ଫ୍ରେମୱାର୍କ ସମେତ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ମତ ରଖିଛନ୍ତି।

ସେ କହିଛନ୍ତି ଯେ, ସୁପ୍ରିମକୋର୍ଟଙ୍କ ଅନୁସାରେ ବୁଲା କୁକୁର ଏବଂ ଆଶ୍ରୟସ୍ଥଳ ପାଇଁ ଏବିସି ଢାଞ୍ଚା ସମ୍ପର୍କରେ କୌଣସି ନିର୍ଦ୍ଦେଶ ପାଳନ କରାଯାଇ ନାହିଁ। କୋର୍ଟ କହିଛନ୍ତି ଯେ ଯଦି, କାହାର କୌଣସି ସମସ୍ୟା ଅଛି, ତେବେ ହାଇକୋର୍ଟ ସେମାନଙ୍କ ପାଇଁ ଖୋଲା ଅଛି। କୋର୍ଟ ସ୍କୁଲ, କଲେଜ ଏବଂ ହସ୍ପିଟାଲଗୁଡ଼ିକରୁ ବୁଲା କୁକୁରମାନଙ୍କୁ ହଟାଇବା ଏବଂ ଆଶ୍ରୟସ୍ଥଳ ନିର୍ମାଣ କରିବାକୁ ନିର୍ଦ୍ଦେଶ ଦେଇଥିଲେ, କିନ୍ତୁ ସମସ୍ତେ ମନା କରିଦେଇଥିଲେ। ସାରା ଦେଶରେ ୫୪ ହଜାର କଲେଜ ଅଛି, ତଥାପି ସେମାନେ ବୁଲା ପଶୁମାନଙ୍କ ସାମ୍ନାରେ ଅସହାୟ ଦେଖାଯାଉଛନ୍ତି। ରେଳବାଇ କହିଛି ଯେ ହଜାର ହଜାର ଯାତ୍ରୀ ଏହାର ଷ୍ଟେସନରେ ପହଞ୍ଚନ୍ତି, ତେଣୁ ସେମାନେ କ’ଣ କରିପାରିବେ? ହସ୍ପିଟାଲଗୁଡ଼ିକ ଏହା ମଧ୍ୟ କହିଛନ୍ତି ଯେ, ପ୍ରତ୍ୟେକ ରୋଗୀଙ୍କ ସହିତ ୧୦ ଜଣ ପରିବାର ସଦସ୍ୟ ଆସୁଛନ୍ତି। ଦିଲ୍ଲୀ ସମେତ ୭୮୦ ଜିଲ୍ଲା ମଧ୍ୟରୁ କୌଣସି ଜିଲ୍ଲାରେ ଗୋଟିଏ ମଧ୍ୟ ଆଶ୍ରୟସ୍ଥଳ ନିର୍ମାଣ କରାଯାଇ ନାହିଁ।

ବୁଲା କୁକୁରଙ୍କ ଉପରେ କଠୋର ନିର୍ଦ୍ଦେଶାବଳୀକୁ ବଜାୟ ରଖାଯାଇଛି

ମାନେକା ଗାନ୍ଧୀ କହିଛନ୍ତି, ଆମେ ମାନୁଛୁ ବୁଲା କୁକୁରମାନଙ୍କ ପାଇଁ ଏବିସି କେନ୍ଦ୍ର ନିର୍ମାଣ କରିବା ଉଚିତ । କିନ୍ତୁ ଏହା ଖରାପ ଭାବେ ନିର୍ମାଣ କରାଯିବା କଥା ନୁହେଁ। ଏହି କେନ୍ଦ୍ରଗୁଡ଼ିକୁ ଏଭଳି ଲୋକଙ୍କୁ ଦିଆଯାଇଛି, ଯେଉଁମାନେ କୁକୁରମାନଙ୍କର ଠିକ୍ ଭାବରେ ଯତ୍ନ ନିଅନ୍ତି ନାହିଁ। ଅସ୍ତ୍ରୋପଚାର ପରେ, ବୁଲା କୁକୁରମାନଙ୍କୁ ଧନୀ କଲୋନୀରୁ ଗରିବ କଲୋନୀକୁ ପଠାଇ ଦିଆଯାଉଛି। ଫଳରେ କୁକୁରମାନେ ଅଧିକାଂଶ ଗରିବ ଲୋକଙ୍କୁ ହିଁ କାମୁଡୁଛନ୍ତି। ଗରୀବଙ୍କ ପାଇଁ ସମସ୍ୟା ସୃଷ୍ଟି ହେଉଛି। ସମାଜ ସଦସ୍ୟ ଏବଂ ଆରଡବ୍ଲୁଏ ଚୁପଚାପ୍ ଭାବରେ ରାତିରେ କୁକୁରଙ୍କୁ ନେଇ ମନଇଛା ଏଠି ସେଠି ଛାଡୁଛନ୍ତି। ଏଭଳି କାର୍ଯ୍ୟ ବନ୍ଦ ହେଲେ ସବୁକିଛି ସୁରୁଖୁରୁରେ ଚାଲିବ ବୋଲି ସେ କହିଛନ୍ତି।

ସୌଜନ୍ୟ ସମ୍ବାଦ