ପୁଣେ/ବାରମତି: ଜାନୁଆରି ୨୮ ତାରିଖ ସକାଳେ ବାରାମତିରେ ଏକ ବିମାନ ଦୁର୍ଘଟଣାରେ ମହାରାଷ୍ଟ୍ରର ପୂର୍ବତନ ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କ ମୃତ୍ୟୁ ହୋଇଥିଲା। ଅଜିତ ପାୱାରଙ୍କ ମୃତ୍ୟୁର ୮୩ ଦିନ ପରେ, ଉପମୁଖ୍ୟମନ୍ତ୍ରୀ ସୁନେତ୍ରା ପାୱାର ପ୍ରଥମ ଥର ପାଇଁ ମୁହଁ ଖୋଲିଛନ୍ତି। ସେ ଏହାର ଏକ ନିରପେକ୍ଷ ତଦନ୍ତ ଦାବି କରିଛନ୍ତି। ବାରାମତି ବିଧାନସଭା ଉପନିର୍ବାଚନ ପ୍ରଚାରର ଶେଷ ଦିନରେ, ଏକ ବିଶାଳ ସମାବେଶକୁ ସମ୍ବୋଧିତ କରିଥିଲେ। ଏଥିରେ ରାଷ୍ଟ୍ରବାଦୀ କଂଗ୍ରେସ ଦଳର ବରିଷ୍ଠ ନେତାମାନଙ୍କ ସହିତ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାବୀସ ନିଜେ ମଧ୍ୟ ଉପସ୍ଥିତ ଥିଲେ। ବାରାମତି ବିଧାନସଭା ଉପନିର୍ବାଚନ ପ୍ରଚାରର ଶେଷ ଦିନରେ ସୁନେତ୍ରା ସ୍ୱାମୀ ଅଜିତଙ୍କ ବିମାନ ଦୁର୍ଘଟଣାରେ ମୃତ୍ୟୁ ଉପରେ ଖୋଲାଖୋଲି ଭାବରେ କଥା ହୋଇ କହିଥିଲେ, ଏହି ଘଟଣା ସମ୍ପର୍କରେ ତାଙ୍କ ମନରେ ମଧ୍ୟ ଅନେକ ସନ୍ଦେହ ଆଉ ପ୍ରଶ୍ନ ଅଛି। ଏହି ଘଟଣାର ପୁଙ୍ଖାନୁପୁଙ୍ଖ ତଦନ୍ତ ହେବା ଉଚିତ।
ମୁଖ୍ୟମନ୍ତ୍ରୀ ଫଡନବୀସ ସୁନେତ୍ରା ପାୱାରଙ୍କୁ ସମର୍ଥନ କରି କହିଛନ୍ତି ଯେ ସେ ଅଜିତ ପାୱାରଙ୍କ ଐତିହ୍ୟକୁ ଆଗକୁ ବଢ଼ାଯିବ। ୨୩ ଏପ୍ରିଲରେ ରେକର୍ଡ ସଂଖ୍ୟକ ଭୋଟରେ ତାଙ୍କୁ ଜିତାଇବାକୁ ଭୋଟରମାନଙ୍କୁ ନିବେଦନ କରିଛନ୍ତି। ବାରାମତିରେ ଅନୁଷ୍ଠିତ ମିଳିତ ବୈଠକରେ ଅଜିତ ପାୱାରଙ୍କ ସମ୍ପର୍କୀୟ ଭଉଣୀ ଏବଂ ଏନସିପି (ସପା) ସାଂସଦ ସୁପ୍ରିୟା ସୁଲେ ମଧ୍ୟ ଉପସ୍ଥିତ ଥିଲେ। ସେ କହିଛନ୍ତି ଯେ ବାରାମତି ସର୍ବଦା ପାୱାର ପରିବାର ସହିତ ଠିଆ ହୋଇଛି ଏବଂ ସୁନେତ୍ରା ପାୱାରଙ୍କୁ ସମର୍ଥନ କରିବାକୁ ଲୋକଙ୍କୁ ନିବେଦନ କରିଛନ୍ତି। କେନ୍ଦ୍ରୀୟ ନିର୍ବାଚନ କମିସନଙ୍କ ଅନୁଯାୟୀ, ବାରାମତି ଏବଂ ରାହୁରୀ ଆସନରେ ମତଦାନ ୨୩ ଏପ୍ରିଲରେ ଅନୁଷ୍ଠିତ ହେବ। ଭୋଟ୍ ଗଣତି ୪ ମେରେ କରାଯିବ। ବାରାମତିରେ କୌଣସି ପ୍ରମୁଖ ଦଳ ସୁନେତ୍ରା ପାୱାରଙ୍କ ବିରୋଧରେ ପ୍ରାର୍ଥୀ ଦେଇନାହାନ୍ତି। କିଛି ସ୍ୱାଧୀନ ପ୍ରାର୍ଥୀଙ୍କ ଉପସ୍ଥିତି ଯୋଗୁଁ ନିର୍ବାଚନ ଅନୁଷ୍ଠିତ ହେଉଛି।
ସୌଜନ୍ୟ ସମ୍ବାଦ