ରାଜ୍ୟ
The Hero of the Football: ଭଙ୍ଗା ଘରେ ଫୁଟବଲ ପଡ଼ିଆର ନାୟକ
ଦିନେ ଫୁଟବଲ ପଡ଼ିଆରେ ନିଜ ପ୍ରତିଭା ବଳରେ ଓଡ଼ିଶା ପାଇଁ ଗୌରବ ଆଣିଥିଲେ। ଜାତୀୟସ୍ତରରେ ଖେଳି ରାଜ୍ୟର ନାଁ ଉଜ୍ଜ୍ୱଳ କରିଥିଲେ। ହେଲେ ଆଜି ସେହି ଖେଳାଳିଙ୍କ ଭାଗ୍ୟରେ ଜୁଟୁନି ମୁଣ୍ଡ ଗୁଞ୍ଜିବାକୁ ସୁରକ୍ଷିତ ଘର ଖଣ୍ଡିଏ।

ନୂଆପଡ଼ା/କୋମନା: ଦିନେ ଫୁଟବଲ ପଡ଼ିଆରେ ନିଜ ପ୍ରତିଭା ବଳରେ ଓଡ଼ିଶା ପାଇଁ ଗୌରବ ଆଣିଥିଲେ। ଜାତୀୟସ୍ତରରେ ଖେଳି ରାଜ୍ୟର ନାଁ ଉଜ୍ଜ୍ୱଳ କରିଥିଲେ। ହେଲେ ଆଜି ସେହି ଖେଳାଳିଙ୍କ ଭାଗ୍ୟରେ ଜୁଟୁନି ମୁଣ୍ଡ ଗୁଞ୍ଜିବାକୁ ସୁରକ୍ଷିତ ଘର ଖଣ୍ଡିଏ। ଭଙ୍ଗା ଘର ଓ ତାରପୋଲିନ୍ ତଳେ ପରିବାର ସହ ଦୁର୍ବିଷହ ଜୀବନ କାଟୁଛନ୍ତି ନୂଆପଡ଼ା ଜିଲ୍ଲା କୋମନାର ଜାତୀୟ ଫୁଟବଲ ଖେଳାଳି ରାଧେଶ୍ୟାମ କରୁଆଁ। ରାଧେଶ୍ୟାମଙ୍କ ପିଲାଦିନୁ ଖେଳ ପ୍ରତି ରହିଥିଲା ଅହେତୁକ ଆଗ୍ରହ। ୧୯୮୯ରେ ଅବିଭକ୍ତ କଳାହାଣ୍ଡି ଜିଲ୍ଲା ପକ୍ଷରୁ ସେ ରାଜ୍ୟସ୍ତରୀୟ ଭଲିବଲ ପ୍ରତିଯୋଗିତାରେ ଭାଗ ନେଇଥିଲେ। ପରବର୍ତ୍ତୀ ସମୟରେ କଟକରେ ରହି କିଛି ବର୍ଷ ତାଲିମ ନେଇଥିଲେ। ତେବେ ଉଚ୍ଚତା କମ୍ ଥିବାରୁ ଭଲିବଲ ଖେଳିବାରେ ସମସ୍ୟା ହେବାରୁ ସେ ଘରକୁ ଫେରି ଆସିଥିଲେ। ୧୯୯୦ରେ ଆରମ୍ଭ ହୋଇଥିଲା ତାଙ୍କ ଫୁଟବଲ ଯାତ୍ରା।
ସୌଜନ୍ୟ ସମ୍ବାଦ




