Trump: ଆମେରିକା-ଇରାନ ଯୁଦ୍ଧ ଶେଷ ହେବାର ନିକଟତର, କିନ୍ତୁ ଆମେ ସାମରିକ ଅଭିଯାନ ସମାପ୍ତ କରିନୁ: ଚେତାବନୀ ଦେଲେ ଟ୍ରମ୍ପ

ୱାସିଂଟନ: ପଶ୍ଚିମ ଏସିଆରେ ଶାନ୍ତି ପାଇଁ ସମାନ୍ତରାଳ କୂଟନୈତିକ ପ୍ରୟାସ କରାଯାଉଛି। କିନ୍ତୁ ଜାରି ରହିଥିବା ଉତ୍ତେଜନା ଥମିବାର ନା ଧରୁନି। ୱାସିଂଟନ ଏବଂ ତେହେରାନ ମଧ୍ୟରେ ଦ୍ୱିତୀୟ ପର୍ଯ୍ୟାୟ ଆଲୋଚନା ପାଇଁ ପ୍ରସ୍ତୁତି ଆରମ୍ଭ ହୋଇଛି। ବୁଧବାର ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି, ଇରାନ ଯୁଦ୍ଧ ଶେଷ ହେବାର ବହୁ ନିକଟତର। କିନ୍ତୁ ଆମେରିକା ନିଜର ସାମରିକ ଅଭିଯାନ ସହିତ ସମାପ୍ତ କରିନାହିଁ ବୋଲି କହି ଚେତାବନୀ ଦେଇଛନ୍ତି। ଇସଲାମାବାଦରେ ଶାନ୍ତି ଆଲୋଚନା ବିଫଳ ହେବା ପରେ ଟ୍ରମ୍ପ ଇରାନର ବନ୍ଦରଗୁଡ଼ିକୁ ଟାର୍ଗେଟ କରି ହର୍ମୁଜ୍ ପ୍ରଣାଳୀରେ ଆମେରିକାର ନୌସେନା ଅବରୋଧ ଆରମ୍ଭ କରିଥିବାବେଳେ ଏଭଳି ମନ୍ତବ୍ୟ ଦେଇଛନ୍ତି।

ହଜାର ହଜାର ଆମେରିକୀୟ ନୌସେନା ଏବଂ ଏକାଧିକ ଯୁଦ୍ଧଜାହାଜ ଦ୍ୱାରା ଲାଗୁ କରାଯାଇଥିବା ଏହି ଅବରୋଧ ଅନେକ ଜାହାଜକୁ ଇରାନ ଜଳସୀମାରୁ ଫେରିବାକୁ ବାଧ୍ୟ କରିଛି। ଇରାନକୁ ପୁନଃନିର୍ମାଣ କରିବାକୁ ୨୦ ବର୍ଷ ଲାଗିବ। ଆମେ ଦେଖିବୁ କ’ଣ ହେଉଛୁ। ଇରାନ ଉପରେ ସିଧାସଳଖ ସାମରିକ ଆକ୍ରମଣ କରିବାର ନିଷ୍ପତ୍ତିକୁ ଯଥାର୍ଥ ଦର୍ଶାଇ ଟ୍ରମ୍ପ ଫକ୍ସ ବିଜନେସକୁ କହିଛନ୍ତି, ପରମାଣୁ କ୍ଷମତାକୁ ନଷ୍ଟ କରିବା ପାଇଁ ଏହି ପଦକ୍ଷେପ ଆବଶ୍ୟକ ଥିଲା। ଟ୍ରମ୍ପଙ୍କ ସଦ୍ୟତମ ମନ୍ତବ୍ୟ ସୂଚାଇ ଦେଉଛି ଯେ, ଇରାନ ଯୁଦ୍ଧର ଅନ୍ତ ଖୁବ୍ ଶୀଘ୍ର ହୋଇପାରେ।

ସୌଜନ୍ୟ ସମ୍ବାଦ