Monsoon 2026: ପୁଣି ସକ୍ରିୟ ହେବ ମୌସୁମୀ: ଆଜିଠୁ ପୂର୍ବ ଭାରତରେ ବଢ଼ିବ ବର୍ଷା

ବର୍ତ୍ତମାନର ସ୍ଥିତି ଅନୁସାରେ ଉତ୍ତରପ୍ରଦେଶର ପୂର୍ବାଞ୍ଚଳ, ଝାଡ଼ଖଣ୍ଡ, ଛତିଶଗଡ଼, ପଶ୍ଚିମ ମଧ୍ୟପ୍ରଦେଶ, ପୂର୍ବ ରାଜସ୍ଥାନ ଓ ଉତ୍ତର ଆଭ୍ୟନ୍ତରୀଣ କର୍ଣ୍ଣାଟକର କିଛି ଅଞ୍ଚଳରେ ମୌସୁମୀ ସକ୍ରିୟ ରହିଛି। ଗତ ୨୪ ଘଣ୍ଟାରେ ଏହି ଅଞ୍ଚଳରେ ଭଲ ବର୍ଷା ହୋଇଛି। ଏହାସହ ଉତ୍ତର-ପୂର୍ବ ଭାରତ, ବିହାର, ପଶ୍ଚିମବଙ୍ଗ, ଓଡ଼ିଶା ଓ ଉତ୍ତରାଖଣ୍ଡରେ ମଧ୍ୟ ମୌସୁମୀ ସକ୍ରିୟ ରହି ହାଲୁକାରୁ ମଧ୍ୟମ ବର୍ଷା ହୋଇଛି।

ନୂଆ ନିମ୍ନଚାପ କ୍ଷେତ୍ର ଗଠନ ହେଲେ ଏହାର ପ୍ରଭାବରେ ପୂର୍ବ ଭାରତରେ ବର୍ଷାର ତୀବ୍ରତା ଆହୁରି ବଢ଼ିପାରେ। ଓଡ଼ିଶା, ପଶ୍ଚିମବଙ୍ଗ, ଝାଡ଼ଖଣ୍ଡ ଓ ବିହାର ସମେତ ପୂର୍ବ ଭାରତର ବିଭିନ୍ନ ଅଞ୍ଚଳରେ ବ୍ୟାପକ ବର୍ଷା ହେବାର ସମ୍ଭାବନା ରହିଛି। ପାହାଡ଼ିଆ ଅଞ୍ଚଳ ଏବଂ ନଦୀ ନିକଟବର୍ତ୍ତୀ ଅଞ୍ଚଳରେ ଅଧିକ ବର୍ଷା ହେଲେ ଜଳବନ୍ଦୀ ଓ ଅନ୍ୟାନ୍ୟ ସମସ୍ୟା ସୃଷ୍ଟି ହୋଇପାରେ। ବୁଧବାରଠାରୁ ଉତ୍ତରପ୍ରଦେଶ, ବିହାର ଓ ଝାଡ଼ଖଣ୍ଡରେ ମୌସୁମୀ ଆହୁରି ସକ୍ରିୟ ହେବାର ସଙ୍କେତ ମିଳିଛି। ପାଣିପାଗ ବିଭାଗର ନଜର ଏବେ ବଙ୍ଗୋପସାଗରରେ ସମ୍ଭାବ୍ୟ ନିମ୍ନଚାପ ଉପରେ ରହିଛି।