Assaulted Over Witchcraft ଗୁଣିଗାରେଡ଼ି ସନ୍ଦେହରେ ଗାଁଦାଣ୍ଡରେ ମହିଳାଙ୍କୁ ମାଡ଼

ଆକ୍ରମଣ ନେଇ ବାଣିତିଆ ଗାଁରେ ପୀଡ଼ିତା ମହିଳା ଓ ତାଙ୍କ ପରିବାର ଆଜି (ବୁଧବାର) ଭଦ୍ରକ ଗ୍ରାମାଞ୍ଚଳ ଥାନାରେ ଅଭିଯୋଗ କରିଛନ୍ତି। ଅଭିଯୋଗ ଅନୁସାରେ, ଚଳିତ ମାସ ୨୭ ତାରିଖ  ଅପରାହ୍ନ ୨ଟା ସମୟରେ ବାଣିତିଆ ଗାଁରେ କେତେକ ଲୋକ ପୀଡ଼ିତାଙ୍କ ଘରେ ପଶିଥିଲେ। ସେହି ସମୟରେ ତାଙ୍କ ସ୍ବାମୀ କିମ୍ବା ପୁଅ ଘରେ ନଥିଲେ। ଘରୁ ଟାଣି ଆଣି ଗାଁ ଦାଣ୍ଡରେ ଘୋସାଡ଼ି ମାଡ଼ମାରିଥିଲେ।

ପରେ ସରପଞ୍ଚଙ୍କ ହସ୍ତକ୍ଷେପରେ ସେ ଉଦ୍ଧାର ହୋଇଥିଲେ।  ଅଟୋରେ ଡାକ୍ତରଖାନା ଯାଉଥିଲା ବେଳେ ପୁଣିଥରେ ଗ୍ରାମବାସୀମାନେ ତାଙ୍କୁ ଅଟୋରୁ ଟାଣି ନେଇ ମାଡ଼ ମାରିଥିଲେ। ସେହି ସମୟରେ ସୂଚନା ପାଇ ପୁଲିସ ପହଞ୍ଚି ତାଙ୍କୁ ଉଦ୍ଧାର କରି ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ।