Delhi Security: ମାସେ ପର୍ଯ୍ୟନ୍ତ ଦିଲ୍ଲୀରେ ମୁତୟନ ରହିବେ ଅର୍ଦ୍ଧସାମରିକ ବାହିନୀର ୨୦ ହଜାର ସଦସ୍ୟ
ବିରୋଧୀ ଇଣ୍ଡି ମେଣ୍ଟ ଏବଂ କକ୍ରୋଚ୍ ଜନତା ପାର୍ଟିର ଆନ୍ଦୋଳନ ପାଇଁ ଦିଲ୍ଲୀରେ ମୁତୟନ ରହିଥିବା ୨୦ ହଜାର ଅର୍ଦ୍ଧସାମରିକ ସଦସ୍ୟ ପାଖାପାଖି ଆହୁରି ମାସେ ପର୍ଯ୍ୟନ୍ତ ମୁତୟନ ରହିବେ। ଆଗକୁ ପାର୍ବଣ ଋତୁ ଥିବାରୁ ବଜାର ଓ ଅନ୍ୟ ସାର୍ବଜନୀନ ସ୍ଥାନରେ ଭିଡ଼ ବଢ଼ିବାକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି।
ନୂଆଦିଲ୍ଲୀ: ବିରୋଧୀ ଇଣ୍ଡି ମେଣ୍ଟ ଏବଂ କକ୍ରୋଚ୍ ଜନତା ପାର୍ଟିର ଆନ୍ଦୋଳନ ପାଇଁ ଦିଲ୍ଲୀରେ ମୁତୟନ ରହିଥିବା ୨୦ ହଜାର ଅର୍ଦ୍ଧସାମରିକ ସଦସ୍ୟ ପାଖାପାଖି ଆହୁରି ମାସେ ପର୍ଯ୍ୟନ୍ତ ମୁତୟନ ରହିବେ। ଆଗକୁ ପାର୍ବଣ ଋତୁ ଥିବାରୁ ବଜାର ଓ ଅନ୍ୟ ସାର୍ବଜନୀନ ସ୍ଥାନରେ ଭିଡ଼ ବଢ଼ିବାକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି। ଦିଲ୍ଲୀକୁ ମଧ୍ୟ ଆଜି ୩ଟି ନୂଆ ଆନ୍ଦୋଳନ ସ୍ଥଳ ମିଳିଛି, ଯେଉଁଥିରେ ରାମଲୀଳା ଗ୍ରାଉଣ୍ଡ୍, ବୁରାଡ଼ି ଗ୍ରାଉଣ୍ଡ୍ ଓ ସିବିଡି ଗ୍ରାଉଣ୍ଡ୍ ରହିଛି। ନୂଆ ଆନ୍ଦୋଳନ ସ୍ଥଳର ସୁରକ୍ଷା ବ୍ୟବସ୍ଥା ମଧ୍ୟ ପୁଙ୍ଖାନୁପୁଙ୍ଖ ଯାଞ୍ଚ କରାଯାଇଛି।
ପାର୍ବଣ ଋତୁରେ ଅର୍ଦ୍ଧସାମରିକ ସଦସ୍ୟ
ଅନୁମତି ନଥାଇ ଏକତ୍ରିକ ହେବାରୁ ରୋକିବା ପାଇଁ ସହରର ସୀମା, ରେଳ ଷ୍ଟେସନ୍, ବସ୍ ଟର୍ମିନାଲ୍ ଓ ଅନ୍ୟ ସମ୍ବେଦନଶୀଳ ସ୍ଥଳଗୁଡ଼ିକରେ ସୁରକ୍ଷା କଡ଼ାକଡ଼ି କରାଯାଇଛି। ପୁଲିସ ସୀମାଗୁଡ଼ିକରେ ଗାଡ଼ିକୁ ଭଲଭାବେ ଚେକ୍ କରୁଛି ଏବଂ ସହରର ହୋଟେଲ୍, ଗେଷ୍ଟ ହାଉସ୍, ଲଜ୍ ଓ ଧର୍ମଶାଳାରେ ଭଲଭାବେ ଯାଞ୍ଚ କରାଯାଉଛି। ଅର୍ଦ୍ଧସାମରିକ ସଦସ୍ୟଙ୍କ ସହ ୧ ହଜାର ଦିଲ୍ଲୀ ପୁଲିସ ମଧ୍ୟ ମୁତୟନ ହୋଇଛନ୍ତି। ନୂଆଦିଲ୍ଲୀ ଜିଲ୍ଲା ୨୦ଟି ଜୋନ୍ରେ ବିଭକ୍ତ ହୋଇଛି। ଯୁଗ୍ମ କମିସନର, ଉପକମିସନର ଏବଂ ଅତିରିକ୍ତ ଉପକମିସନର ବାସ୍ତବ ସ୍ଥିତିକୁ ଭଲଭାବେ ଯାଞ୍ଚ କରୁଛନ୍ତି।
ସୌଜନ୍ୟ ସମ୍ବାଦ
