ରାଜ୍ୟ
Earth Again Conference 2026: ‘ଜମିରେ ଜୀବିକା ଓ ଜୈବବିବିଧତା କ୍ଷତି ସହିତ ଅନେକ ଚ୍ୟାଲେଞ୍ଜ ରହିଛି’
ସମ୍ବାଦ ଏବଂ ଆମ ଓଡ଼ିଶା ପକ୍ଷରୁ ପୁନଶ୍ଚ ପୃଥିବୀର ତୃତୀୟ ସଂସ୍କରଣର ଦ୍ବିତୀୟ ଦିନରେ ଶନିବାର ଦକ୍ଷିଣ ଫାଉଣ୍ଡେସନର ପୂଜା ମିତ୍ର କହିଛନ୍ତି, ଆମ ଦେଶର ଉପକୂଳ ପ୍ରାୟ ୭,୦୦୦ ବର୍ଗ କିଲୋମିଟର ଅଟେ।
ଭୁବନେଶ୍ବର: ସମ୍ବାଦ ଏବଂ ଆମ ଓଡ଼ିଶା ପକ୍ଷରୁ ପୁନଶ୍ଚ ପୃଥିବୀର ତୃତୀୟ ସଂସ୍କରଣର ଦ୍ବିତୀୟ ଦିନରେ ଶନିବାର ଦକ୍ଷିଣ ଫାଉଣ୍ଡେସନର ପୂଜା ମିତ୍ର କହିଛନ୍ତି, ଆମ ଦେଶର ଉପକୂଳ ପ୍ରାୟ ୭,୦୦୦ ବର୍ଗ କିଲୋମିଟର ଅଟେ। ଦୀର୍ଘ ସମୟ ଧରି ଆମର ବିକାଶ ଓ ନୀତିଗୁଡ଼ିକ ପାଇଁ ଏକ ସ୍ଥଳଭୂମି ଦୃଷ୍ଟିକୋଣ ରହିଆସିଛି। ବର୍ତ୍ତମାନ ଆମେ ମହାସାଗର ଓ ଉପକୂଳ ଆଡକୁ ଆସିଛୁ କିନ୍ତୁ ଆମେ ଏକ କଷ୍ଟକର ସମୟରେ ଆସିଛୁ ଯେତେବେଳେ ଜଳବାୟୁ ଅସ୍ଥିରତା ବୃଦ୍ଧି ପାଉଛି। ଜମିରେ ଜୀବିକା ଓ ଜୈବବିବିଧତା କ୍ଷତି ସହିତ ଅନେକ ଚ୍ୟାଲେଞ୍ଜ ରହିଛି ବୋଲି ଆମେ ଜାଣୁ। ସେ କହିଛନ୍ତି, ସରକାର ଓ ବିଜ୍ଞାନ ମନ୍ତ୍ରଣାଳୟ ଏକ ସହଯୋଗୀ ପ୍ଲାଟଫର୍ମ ଆଣୁଛନ୍ତି, ଯେଉଁଥିରେ ଭାରତର ବିଭିନ୍ନ ଗବେଷଣା ଏଜେନ୍ସିଗୁଡ଼ିକ ଯାହାକି ମହାସାଗର ଏବଂ ଉପକୂଳ ଉପରେ କାମ କରୁଛନ୍ତି, ସେମାନେ ମିଳିତ ଭାବରେ ତଥ୍ୟ ସେୟାର୍ କରିବେ।
ସୌଜନ୍ୟ ସମ୍ବାଦ
