Jackal attack: ବିଲୁଆ କାମୁଡ଼ାରେ ୪ ଆହତ, ମେଡ଼ିକାଲରେ ଚିକିତ୍ସିତ

ସୋମବାର ପୁଣି  ପ୍ରତିମା ନାୟକ ଓ ସରୋଜିନୀ ନାୟକ ନାମକ ଦୁଇ ବୃଦ୍ଧା ମହିଳାଙ୍କୁ ବିଲୁଆ ଆକ୍ରମଣ କରିଥିବା ଜଣାପଡ଼ିଛି। ସ୍ଥାନୀୟ ଲୋକଙ୍କ କହିବା ଅନୁସାରେ, କୁରୁମିଙ୍ଗିଆ ଜାର୍ଗିନାଯୁ ତଳକୁ ଧାନ ତଳି ଝିକିବା ପାଇଁ ଯାଇଥିବା ବେଳେ ବିଲୁଆଟି ଆକ୍ରମଣ କରିଥିଲା। ଲଗାତାର ଲୋକଙ୍କୁ ଆକ୍ରମଣ କରୁଥିବାରୁ ବିଲୁଆଟି ଅସ୍ୱାଭାବିକ ଆଚରଣ କରୁଥିବା ନେଇ ଅଞ୍ଚଳବାସୀଙ୍କ ମଧ୍ୟରେ ଆଲୋଚନା ହେଉଛି।

ଏହି ଘଟଣା ପରେ କରୁମିଙ୍ଗିଆ ଓ ଆଖପାଖ ଅଞ୍ଚଳରେ ଭୟର ବାତାବରଣ ଦେଖାଦେଇଛି। ପୂର୍ବରୁ ହାତୀ ଭୟ ଥିବା ବେଳେ ଏବେ ବିଲୁଆ ଆକ୍ରମଣ ଲୋକଙ୍କ ଚିନ୍ତା ବଢ଼ାଇଛି। ତେଣୁ ବନ ବିଭାଗ ଘଟଣାକୁ ଗୁରୁତ୍ୱ ଦେଇ ତୁରନ୍ତ ପଦକ୍ଷେପ ନେବାକୁ ଅଞ୍ଚଳବାସୀ ଦାବି କରିଛନ୍ତି।